Kërkimi për një punë të re, kur ju tashmë e keni një mund të jetë e ndërlikuar, por LinkedIn tani është në gjendje për ta bërë atë më të lehtë.
LinkedIn po punon për një funksion të ri që ju lejon t’i tregoni punëmarrësve të mundshëm që jeni të interesuar në ndryshimin e punës pa e marr vesh punëdhënësi juaj i tanishëm.
Kur ju të zgjidhni funksionin e ri, të quajtur “Open Candidate”, punëmarrësit janë në gjendje të shofin se ju jeni të interesuar në mundësitë e mundshme. Në të njëjtën kohë, LinkedIn do të bëjë çmos për të bllokuar të dhënat tuaja të paraqiten për rekrutuesit në kompaninë tuaj ose filiale të saj.
Kur ju e zgjidhni këtë funksion, ju mund të zgjidhni disa specifika në lidhje se me çfarë lloj pune ju do të doni, në çfarë qyteti dëshironi të punoni dhe mund të shkruani një mesazh të shkurtër për rekrutuesit e mundshëm.
“Është me të vërtetë një mënyrë shumë e mirë për një person për të sinjalizuar për komunitetin e rekrutimit që ata janë në treg dhe mund të ndajnë disa gjëra për t’i bindur ata”, thotë Dan Shapero, drejtori i menaxhimit të produktit për LinkedIn Careers.
Megjithëse LinkedIn do të bëjë më të mirën e saj për të fshehur të dhënat tuaja nga çdo person i lidhur me kompaninë tuaj, Shapero vë në dukje se nuk mund të garantojë 100% se nuk do të shihet.
Megjithatë, ai thotë se testimi i hershëm i këtij funksion ka qenë i suksesshëm në të gjitha anët: të ashtuquajturat “kandidatura të hapura” kanë më shumë të ngjarë që të kontaktohen nga rekrutuesit dhe rekrutuesit kanë më shumë gjasa të dëgjojnë prapë nga ata.
Kandidati i hapur është në dispozicion për të gjithë përdoruesit e LinkedIn dhe mund të hapet në seksionin e preferencave (Preferences) në llogarinë tuaj.
Burimi: Shkruar nga Karissa Bell dhe publikuar në mashable.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
