Shqipëria rritje ekonomike me 2.6 përqind në 2015-n, sipas raportit të Bankës Botërore - Business Magazine Albania

Shqipëria rritje ekonomike me 2.6 përqind në 2015-n, sipas raportit të Bankës Botërore


Ekonomia e Shqipërisë u rrit me 2.6 përqind në 2015-n, mbështetur nga investimet e larta private, sipas raportit më të fundit (Spring 2016) të Bankës Botërore për Europën Juglindore. GDP reale u rrit me 3 përqind në tremujorin e tretë, duke mbajtur një ritëm konstant pozitiv dhe në total për vitin 2015 vlerësohet të ketë pasur rritje me 2.6 përqind.

Hapi i ekspansionit pritet që të vazhdojë gradualisht në 3.2 përqind në 2016-n, dhe 3.5 përqind në 2017-ën.

Rritja ka ardhur si pasojë e rritjes së investimeve private ku kapitali fiks bruto u rrit me 12.6 përqind në tremujorin e dytë. Importi i makinerive dhe pajisjeve u zgjerua me 13.6 përqind në tremujorin e fundit, një shenjë e rritjes së investimeve të qëndrueshme.

Rritja në 3 tremujorët e parë të 2015-s ishte si pasojë kryesisht e sektorit të ndërtimit (14.2 përqind) dhe sektorit të shërbimeve (2.8 përqind), veçanërsisht në shërbimet e kujdesit shëndetsor dhe ato administrative.

Investimi në gazsjellësin TAP dhe impianti i energjisë ujore në Jugun e Shqipërisë do të ndihmojë në rritjen e kërkesës së brendshme. Shpenzimet qeveritare do të jenë të limituara ndërsa jemi në fazën e konsolidimit fiskal. Në 2016-n borxhi publik pritet të ulet si rezultat i masave të konsolidimit fiskal të aprovuara në ligjin për buxhetin e vitit 2016.

Defiçiti i buxhetit nuk ka pasur shmangie pavarësisht një konstatimi të rënies së të ardhurave. Defiçiti i buxhetit të shtetit vlerësohet të ketë arritur 4.8 përqind të GDP-së në 2015-n, nga 5.9 përqind e saj që ishte në 2014-n. Rezultati i 2015-s përfshinte shlyerje të borxhit të pashlyer të 1.3 përqind të GDP-së. Të ardhurat kanë rezultuar 4.2 përqind më pak se plani i buxhetit të tyre për 2015-n.

Më 5 Shkurt, 2016, Standard & Poor’s rriti vlerësimin për borxhin afatgjatë të huaj dhe të brendshëm për Republikën e Shqipërisë nga B në B+. Sipas agjencisë vlerësuese S&P, situata ekonomike e Shqipërisë shihet si e qëndrueshme, duke u bazuar në pritjet se performanca fiskale do të jetë e fortë deri në 2019-n, ndërsa autoritetet bëjnë progres në programin e Fondit Monetar Ndërkombëtar që shënjestron reformat fiskale dhe strukturore.

 

/Raporti i Bankës Botërore Spring 2016.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0