Shqipëria, një nga destinacionet më të preferuara nga polakët - Business Magazine Albania

Shqipëria, një nga destinacionet më të preferuara nga polakët


Që Shqipëria nuk është më një risi për turistët nga Europa Lindore kjo dihet, e në veçanti për polakët, numri i të cilëve ka ardhur në rritje vit pas viti.

Por duket se tashmë Shqipëria po shndërrohet në një nga destinacionet më të preferuara, aq sa për t’u renditur e shtata nga 10 vendet me më shumë prenotime. Më herët gjatë këtij vitit, vendi ynë kishte arrritur të renditej mes dhjetë vendeve më të preferuara për herë të parë.

 

 

 

 

 

 

 

 

 

 

Shifrat vijnë nga Shoqata e Operatorëve Turistikë të Polonisë dhe përfshijnë të gjitha prenotimet e bëra nga data 1 Nëntor 2016 deri në 31 Korrik 2017.

Lexo: Shqipëria cilësohet si destinacioni më i lirë i botës nga mediat botërore

Për polakët, pushimet në Shqipëri nënkuptojnë çmime më të ulëta si në paketa, ashtu edhe në ushqime, por dhe mundësi për të përballuar më shumë luks. Çmimi mesatar i rezervimeve për në Shqipëri është 1300 euro për paketë, ndërsa çmimi i paguar për person arrin mesatarisht në 547 euro.

Sa i përket destinacioneve specifike, Tirana zë vendin e nëntë, pas dy destinacionesh në Bullgari, pesë destinacionesh në Greqi dhe Antalias në Turqi. Tirana është një destinacion më popullor se sa Majorka, ishulli i Kos, Bodrumi, etj.

Pasi mbërrijnë në Tiranë, shumica e pushuesve polakë u drejtohen bregdetit, kryesisht në Durrës, Golem, Sarandë dhe Shëngjin.

Lexo: 10 restorantet më të mira në Europë, mes tyre dhe një nga Shqipëria e Kosova

Këtë vit polakët kanë udhëtuar më shumë drejt destinacioneve të huaja për pushime dhe vihet re një tendencë në rritje për klientët që udhëtojnë me makinat e tyre. Kjo shpjegon edhe numrin e lartë të automjeteve me targa polake në vendin tonë.

Burimi: scan-tv.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0