Sipas revistës amerikane Shqipëria cilësohet si vendi më i përballueshëm në të gjitha zonat ku mbërrin dollari nga Vietnami në Las Vegas. “Në këtë cep të harruar të Europës, aty ku jo çdo kush shkon, mund të gjesh akomodim deri në 5 dollarë personi” citohet në shkrim.
Revista amerikane sugjeron Jugun e Shqipërisë dhe Rivierën shqiptare si një nga destinacionet kryesore për 2017.
Lexo: Guida më e madhe turistike – Lonely Planet promovon Shqipërinë duke publikuar pamje të Rivierës
“Me plazhe fantastike, duke përfshirë edhe portin e Sarandës, Shqipëria i jep mundësi vizitorëve të shijojnë ujrat mesdhetare me çmime të arsyeshme. Akomodomi varion nga 5 dollarë për person por edhe shëtitjet në det janë të arsyeshme. Duke mos harruar edhe sitet historike përreth Shqipërisë ku hyrja është falas por edhe çmimet janë shumë të ulta 2 deri në 5 dollarë. Nga qyteti mesjetar i Gjirokastrës tek rrënojat e Butrintit, do të gjeni një pamje të ndryshme të Europës, të cilën ia vlen ta vizitosh përpara se të dynden të gjithë” shkruhet në revistë.
Një renditje e tillë e revistës vjen pikërisht kur Shqipëria është në pikun e sezonit turistik, ku gjenden me mijëra turistë të cilët shijojnë brigjet, malet, sitet kulturore dhe çdo gjë. Po ashtu edhe një raport i Eurostat, e cilëson Shqipërinë si një nga vendet ku çmimet në restorante dhe hotele janë më të lira.
Revista ndër të tjera cilëson se edhe elementët e epokës komuniste të shndërruara në art janë elementë që shndërrojnë Shqipërinë në një destinacion të duhur për të pushuar.
Lexo: FOTO EDITORIAL PËR JETEN E SHQIPTARËVE NË KOHËN E KOMUNIZMIT“
E shkuara komuniste është një pjesë e rëndësishme çka tërheq turistët në Shqipëri. Shumë ndërtesa që i përkisnin regjimit janë shndërruar në vende turistike të cilat vizitohen nga turistët por edhe nga të rinjtë që e njohin shumë pak kohën para viteve 90′. Muzeu ‘Shtëpia e Gjetheve apo Bunk’Art i cili ndodhet në periferi të kryeqytetit, janë disa nga destinacionet që të ofron Shqipëria,” shkruan revista.
Burimi: lajmifundit.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
