Shqipëria bëhet pjesë e komunitetit më të madh të retail në botë - Business Magazine Albania

Shqipëria bëhet pjesë e komunitetit më të madh të retail në botë

Retail

Shoqata Shqiptare e tregtisë në internet sjell një tjetër mundësi për bizneset në Shqipëri. Bëhet partner me Shoptalk, një nga eventet më të rëndësishme për tregtarët me pakicë në botë. Ky partneritet u mundëson bizneseve në Shqipëri të jenë pjesë e këtij ekosistemi dhe të lidhen me homologët e tyre në të gjithë botën, duke eksploruar mundësi për zgjerime të mundshme.

Shoptalk është komuniteti më i madh në botë i inovatorëve të shitësve me pakicë. Themeluar në 2016 në USA u kthye në eventin më të madh inovator në tregtinë me pakicë në vetëm tre vite. Tani vjen edhe me evenin në Europë në 9 – 11 Maj në Barcelonë.

Ky event do të bashkojë më shumë se 3500 marka, sturtups, inovatorë, kompani teknologjie, investitorë, për të bashkëpunuar dhe për t’u përmirësuar së bashku.

Duke mos mjaftuar do të ketë edhe mbi 175 folës nga e gjithë industria në 3 ditë intensive.

AECA me fokusin e saj në përmirësimin e ekosistemit shqiptar dhe rritjen e kompanive të shoqatës përtej kufijve shqiptar, nuk kishte si të linte në hije këtë event. Për këtë arsye pas shumë diskutimesh dhe përpjekjesh mundi të bëhet partneri i këtij eventi për Shqipërinë.

Me këtë bashkëpunim, për pak ditë i jep mundësinë shitësve me pakicë në Shqipëri të jenë pjesë e eventit falas, nëpërmjet këtij linku këtu. Mundësia është e kufizuar. Vetëm pak biznese do të aprovohen me këtë mundësi nga Shqipëria, ndërkohë që për të tjerët do të jetë mbi 3000 euro bileta e pjesëmarrjes.

Biznesi mund të aplikojë këtu për një biletë falas dhe me mundësi rimbursimi të kostove të transportit. Kjo për të bërë të mundur vizionin e eventit në bashkimin e të gjithë ekosistemit në një event të vetëm.

Këtë vit, shoqata do të jetë vetë prezente në event për të takuar organizuesit dhe për të parë të gjitha mundësitë që ofrohen për kompanitë Shqiptare, në mënyrë që vitin tjetër të ketë edhe një organizim më të madh, duke u ofruar mundësi më të shumta anëtarëve të shoqatës por edhe të gjithë ekosistemit.

Disa nga mundësitë që ofron ky event për kompanitë shqiptare janë:

Mundësia për të lënë takim dhe patur 1on1 me të gjitha kompanitë pjesëmarrëse. Eventi ka një platformë ku ju jepet mundësia të skeduloni takimin tuaj. Secili që pajiset me këtë biletë në llogarinë e vet ka mundësi të rezervojë takime me të gjithë pjesëmarrësit e tjerë. Duhet të regjistrohesh deri në datën 6 Prill për të marrë pjesë në këto takime.

Mundësia për të dëgjuar ekspertë nga Zalando, Amazon, Ebay, Google, Nestle, Mango dhe qindra të tjerë që i gjeni këtu

Mundësi për të gjetur investitorë, klientë apo zgjidhje përgjatë të gjitha eventeve që do të organizohen në këtë event.

Nëse hasni vështirësi në aplikim mos hezitoni të kontaktoni shoqatën tek info@aeca.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0