Shqipëri: Pasojat e koronavirusit tek industria e turizmit - Business Magazine Albania

Shqipëri: Pasojat e koronavirusit tek industria e turizmit

Turizmi është një nga sektorët më të goditur në Shqipëri nga pandemia e COVID-19. Përfaqësues të operatorëve turistikë thonë se kriza në sektorin e turizmit pritet të shtrihet gjatë të gjithë vitit dhe se kërkohet mbështetje nga institucionet shtetërore për të shpëtuar të ardhmen e këtij sektori të rëndësishëm për ekonominë e vendit.

“Pandemia ndikoi shumë në të gjithë sektorët, por tek operatorët turistikë krijoi një situatë pothuajse kolapsi. Komplet sektori turistik, jo vetëm operatorët, por edhe transporti turistik, zingjiri i hotelerisë, i gjithë sektori që është pas turizmit, është në nivel zero dhe, më e keqja është se, nuk po dimë kur do të ketë një riaktivizim, kur do të fillojmë të marrim pak frymë, kur do shikojmë një dritë në fund të tunelit”, thotë përfaqësuesi i shoqatës së operatorëve turistikë në Shqipëri, Sokol Hoxha.

Ai shton se ditët e fundit ka sinjale pozitive për një rifillim të ngadaltë të tureve turistike nga vende të ndryshme, por ai shton se është e nevojshme që komunitetet lokale të ndërgjegjësohen për zbatimin e masave antikovid, si një kusht i domosdoshëm për të krijuar siguri për turistët që vizitojnë vendin.

“Kanë filluar disa bjellorusë, po fillojnë ukrainasit, polakët janë të gatshëm për të rifilluar. Shpresoj që, ndoshta nga gjysma e korrikut dhe gushti me shtëpi diçka, të paktën jo për grupe turistike të mëdha, por të paktën për hotelerinë. Por është edhe diçka që ka të bëjë me natyrën e vendit tonë. Ne shquhemi ndër njerëzit që nuk respektojmë masat dhe, me ketë, ne vetëm vetes i bëjmë dëm”, thotë zoti Hoxha.

Goditja që ka pësuar sektori i turizmit në Shqipëri nga pandemia dhe masat e forta, që shoqëruan prej gati katër muaj gjendjen e fatkeqësisë natyrore COVID-19, pritet të ndjehen përgjatë gjithë këtij viti e ndoshta edhe më tej. Ndaj operatorët turistik ndjejnë nevojën e mbështetjes nga shteti

“Të gjithë duhet të jenë të dakortësuar për të ndihmuar sektorin e turizmit, me ndihmuar hotelet, operatorët turistik. Duhet minimalisht me ulë taksat lokale. E di se shteti nuk funksionon pa taksa, po njerëzit janë në situata shumë të vështira. Po kështu edhe situata e bankave pasi nuk ndihmohet me kredi 4 a 5 përqind. Duhet të bëjmë atë që po bëjnë vendet e rajonit për të ndihmuar këtë sektor”, thotë zoti Hoxha.

Të dhënat e viteve të fundit dëshmojnë̈ se turizmi është një̈ ndër sektorët që sjell më shumë të ardhura në buxhetin e shtetit, atë të sipërmarrjes dhe të familjeve shqiptare. Me një̈ kontribut direkt në prodhimin e brendshëm bruto prej 8,5% dhe një tregues prej më shumë se 350 mijë të punësuarish, këtë vit, për shkak të pandemisë, sektori i turizmit pritet të pësojë rënie të ndjeshme duke ndikuar në të gjithë ekonominë e vendit.

VOA

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0