Shpallet Logo fituese për CENS-in e Popullsisë dhe Banesave 2020


Duke filluar nga tani CENS ka një logo të re, logo që do ta shoqërojë për tre vitet e ardhshme. Ajo do të jetë pjesë e të gjitha publikimeve të CENS, si logo identifikuese.

Në konkursi aplikuan 49 të rinj dhe Komisioni i përbërë nga përfaqësues të INSTAT-it dhe profesorë të Universitetit të Arteve të Bukura, përzgjodhën tre vendet e para.

Logoja fituese u krijua nga Tomas Kuka, student në UET. Me një design të thjeshtë dhe info shtesë tek shkronja e tretë ajo u vlerësua si logoja më e mirë. Me këtë punim, Tomas fitoi një kompjuter Apple.

Vendi i dytë shkoi për nxënësen e liceut Jordan Misja, ndërsa vendi i tretë për një nga studentët e Arteve të Bukura.

Çmimet u ndanë nga përfaqësuesi i Kombeve të Bashkuara në Shqipëri Brian J. Williams. Në fjalën e tij, ai theksoi rolin e INSTAT dhe CENS në shoqëri dhe demokraci. Sipas tij, këto dy institucione duhet të jenë institucione të pavarura, ashtu siç edhe është Avokati i Popullit. “Duke qenë se Cens do të na shoqërojë për shumë vite në vazhdim, duhet që minimalisht rinia të kuptojë rolin e tij”, theksoi ai.

Lexo:  Shqiptarët rrisin shpenzimet për kulturën

 

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale