“Shkundim” algoritmat e social media, Ja elementet kryesore për të pasur një faqe të suksesshme

“Shkundim” algoritmat e social media, Ja elementet kryesore për të pasur një faqe të suksesshme


Në datën 19 shkurt u zhvillua eventi “Shkundim” algoritmat e social media.  Ky event, i cili u organizua nga Garazh dhe u zhvillua në amjentet e Coolab, vuri theksin tek rëndësia që ka përdorimi i rrjeteve sociale në zhvillimin e një biznesi.

Folëse kryesore ishte Adela Kallanxhi, e cila ndau me audiencën disa pika kryesore ku duhet të përqendrohemi për të menaxhuar më së miri një faqe në rrjetet sociale.Algoritmat e mediave sociale janë mekanike, por ne duhet të ndërveprojmë me audiencën në mënyrë njerëzore, për të ndërtuar një brand të besueshëm. Pra, nuk mjafton të bëjmë postime mekanike sa për të treguar që jemi aktivë. Është shumë e rëndësishme të komunikosh dhe ndërveprosh me ndjekësit direkt.

Gjithashtu bashkëpunimi është një pikë e rëndësishme e suksesit të një faqeje online. “Ne influencohemi nga të ngjashmit tanë”, tha Adela. Prandaj nëpër postime duhet të bëjmë tag faqe të ngjashme, miq që janë të interesuar për produktet/shërbimet e ofruara në postim. Në këtë mënyrë, mund të arrijmë më shpejt tek audienca së cilës ja drejtojmë postimin.

Lexo këtu: 3 arsye për t’u kushtuar vëmendje grupeve në rrjetet sociale

Gjatë eventit, pjesëmarrësit diskutuan gjëra të ndryshme lidhur me menaxhimin e faqeve të rrjeteve sociale. Ndër të tjera, u tha se një element tjetër që rrit besimin e audiencës, është ndarja e eksperiencës që kanë pasur përdoruesit e produktit/shërbimit që ju ofroni. Sigurisht, ju do thoni fjalët më të mira për veten tuaj, por kur këto fjalë i thonë të tjerët, është më e efektshme. “Njerëzit blejnë eksperiencën, jo vetëm shërbimin”, tha njëri nga pjesëmarrësit.

Duhet të përqendrohemi tek koha kur janë online miqtë. Postimet arrijnë më shumë reach, në kohë të caktuara të ditës. Prandaj mos u fokusoni tek sasia e postimeve, por tek cilësia. Më mirë të bëni pak postime, por të jenë të kuruara dhe të postohen në kohën e duhur. Shitja është e rëndësishme, por nuk është gjithçka. Duhet që t’u japim edhe vlerë gjërave duke i prezanuar tek audienca në mënyrë dinjitoze.

Përdorimi i videove është një element shumë i preferuar nga ndjekësit në rrjete sociale. Duke qenë së përmbajnë imazhe dhe informacione, videot janë shumë efektive.

Postimet në rrjetet sociale duhet të planifikohen dhe të strukturohen në mënyrë që të kemi një plan pune të mirfilltë dhe të mos mbeteni mbrapa me postimet.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0