3 arsye për t’u kushtuar vëmendje grupeve në rrjetet sociale


Grupet e mediave sociale ofrojnë një hapësirë ​​ideale, ku njerëzit të bashkohen dhe bashkëveprojnë bazuar në interesat e përbashkëta. Në vend që të zhyten pasivisht përmes përmbajtjes së parëndësishme në një burim të përgjithshëm, përdoruesit mund të marrin pjesë në biseda në lidhje me nevojat e tyre specifike.

Për bizneset, grupet e mediave sociale paraqesin një mundësi masive që markat të lidhen më ngushtë me audiencën e tyre të synuar. Në vend që të përpiqen të arrijnë te të gjithë, komunitetet sociale lejojnë bizneset të arrijnë në një grup të dedikuar njerëzish.

Lexo: Si të bëni para nga rrjetet sociale

Kompanitë njihen me grupe në rrjetet kryesore sociale si Facebook, Instagram dhe Twitter. Sidoqoftë, peizazhi i bashkësive sociale në internet po ndryshon dhe bizneset duhet të qëndrojnë në krye të këtyre ndryshimeve. Këtu janë tre arësye pse është koha që bizneset të përqëndrohen në grupe shoqërore.
  1. Rritja e bashkësive të mbyllura:

Më shumë se kurrë, njerëzit janë duke kërkuar ndjenjën e përkatësisë, ku ata mund të shprehin, bashkëpunojnë dhe mësojnë. Ata duan të lidhen me një lloj specifik të bashkësisë shoqërore. Si rezultat, grupet e mbyllura sociale, po fitojnë më shumë vëmendje kundrejt burimeve publike në rrjetet e njohura si Facebook. Njerëzit po zhvendosen nga platforma të gjera sociale në rrjete ku mund të lidhen me audiencë specifike. Në vend që të përpiqen të jenë gjithçka për të gjithë, komunitetet sociale mbeten të vogla, për t’u shërbyer vetëm njerëzve që duan të jenë atje. Nga alpinistët dhe dizajnerët grafikë e deri tek entuziastët e birrës, ekziston një grup për të gjithë.

Në dallim nga forumet publike në internet, përfitimi i grupeve të mbyllura është se ata inkurajojnë anëtarët e komunitetit të hapen në një nivel personal midis njerëzve të tjerë me interes të ngjashëm. Ky besim i shtuar u mundëson bizneseve të krijojnë marrëdhënie më të ngushta me audiencën e tyre dhe drejtojnë angazhimin.

  1. Një rritje e aplikacioneve për biseda në grup:

Në vend që të komunikojnë përmes aplikacioneve tradicionale të mediave sociale, shumë njerëz përdorin aplikacione për biseda në grup për të diskutuar interesat me më pak ndërprerje. Aplikacione të shumta po shfaqen për të ndërtuar bashkësi midis njerëzve që duan të lidhen me të tjerët bazuar në interesa të ngjashme.

Për shembull, Capture është një aplikacion bisedimesh në grup që u lançua korrikun e kaluar. Përdoruesit mund të bashkohen në bisedë me njerëz të tjerë duke treguar kamerën përreth tyre. Capture, përdor më pas inteligjencën artificiale, për të sugjeruar biseda në grup dhe tema që kanë rëndësi për përdoruesit, siç janë ato të bazuara në interesa të ngjashëm ose në një lokacion të njohur. Edhe pse Capture kombinon të huajt me interes të ngjashëm në të njëjtën hapësirë ​​virtuale, aplikacioni lejon përdoruesit të krijojnë grupet e tyre të mbyllura. Ajo gjithashtu ofron kanale, ku markat mund të promovojnë përmbajtjen e tyre.

  1. Më pranë audiencës së synuar:

Edhe pse rrjetet e mediave sociale si Facebook dhe Twitter kanë miliona përdorues, nuk do të thotë se ata janë rrjeti më i mirë për çdo produkt ose shërbim. Shumë marka ka të ngjarë të gjejnë përpjekjet e tyre të marketingut më efektive kur lidhen me një audiencë më të vogël të disa qindra njerëzve që ndajnë interesa të ngjashëm. Me popullaritetin e rrjeteve të mbyllura dhe aplikacioneve për biseda në grup, markat tani kanë mundësinë të lidhen me audiencën e synuar. Sa më e synuar të jetë audienca e tyre, aq më të larta mund të jenë nivelet e tyre të konvertimit.

Lexo: Si ta humanizoni markën tuaj për të fituar në mediat sociale

Grupet e mediave sociale paraqesin një mundësi masive për marketing. Por, markat në rrjetet sociale mund të rrisin shanset e tyre, për të arritur në mënyrë të konsiderueshme audiencën e tyre të synuar. Gjithashtu të lidhen me anëtarët e grupit në mënyrë më efektive.

Entrepreneur

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale