Shitjet me pakicë shënojnë rritje në Gjermani


Blerësit gjermanë mbeten një shtyllë kryesore në rritjen e ekonomisë më të madhe në Europë, me rritjen e shitjeve me pakicë me një ritëm të përshpejtuar gjatë muajit Qershor në mes të një tregu solid të punës, normave të ulëta të interesit, rritjes së të ardhurave dhe inflacionit të dobët.

“Shitjet me pakicë u rritën sipas parashikimeve me 1,1 %, më shumë se dyfishi i rritjes prej 0,5 % në muajin Maj”, njoftoi zyra e Statistikave Federale “Destatis”.

Rritja e tyre gjatë muajit Qershor përfaqëson rritjen më të madhe që prej Tetorit.

Lexo: Shitjet globale të e-Commerce kapin shifrën e $1.9tr

Pritshmëritë e analistëve ishin që shitjet me pakicë të shënonin një fitim prej vetëm 0,2 % gjatë muajit të kaluar.

“Besimi i konsumatorëve mbetet i shkëlqyeshëm”, tha Instituti i Kërkimeve të Tregut me bazë në Nuremberg, javën e kaluar, sipas të cilit treguesi i besimit të konsumatorit i parashikuar, muajin e ardhshëm do të rritet me 10,8 pikë.

“Punësimi ka arritur nivelin më të lartë që prej unifikimit gjerman 27 vjet më parë, duke u rritur me 1,5 % (ose numri i të punësuarve ka shkuar në 44,2 milionë) në Qershor krahasuar me të njëjtin muaj të vitit të kaluar”, njoftoi Destatis.

Shitjet vjetore të shitjeve me pakicë u rritën me 1,5 % gjatë muajit Qershor.

Burimi: arbresh.info

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0