E ka testuar që në muajin Maj një version të shfletuesit dhe tani Firefox për iOS është live në dyqanin e aplikacioneve të Apple lehtësisht i shkarkueshëm për të gjithë përdoruesit e një iPhone, iPad dhe iPod Touch.
Jemi në dijeni të metodologjisë së përditësimeve në faza të shfletuesve Firefox dhe sigurisht që kjo është arsyeja, e cila fshihet pas vonesës prej 6 muajsh deri në një disponueshmëri publike të aplikacionit.
Mbase supriza më e madhe është ndryshimi i kursit “armiqësor” të fondacionit Mozilla ndaj platformës popullore të Apple. Një version i limituar i aplikacionit krijoi një panoramë të qartë drejt finalizimit.
Por ekziston mjaftueshëm konkurrencë në këtë aspekt në iOS. Apple ka një armë të fuqishme që quhet Safari, ndërsa Google zotëron popullaritetin e Chrome në desktop. Opera është po aty, ndërkaq nuk mungojnë as të rinjtë si Adblock me një premtim tundues siç është bllokimi i reklamave të bezdisshme.
Por çfarë të veçante ka shfletuesi i Mozilla?
Sigurisht që arsyeja e udhëtimit drejt iOS është ardhja në ndihmë të përdoruesve të version desktop të cilët tani kanë mundësi të importojnë të dhënat e ruajtura, historikun dhe fjalëkalimet në iPhone, iPad dhe iPod.
Nga ana tjetër Mozilla shpreson se sistemi i saj i menaxhimit të dritareve dhe modaliteti unik privat të tërheqë edhe përdoruesë të rinj potencialë. Shfletuesi shfaq një performancë të këndshme në iOS por është vështirë të flitet për diferenca të mëdha mes shfletuesve si në aspektin e funksionaliteteve por edhe shpejtësisë.
A mendoni se ja vlen të kaloni nga Chrome në Firefox për një diferencë të vogël në performancë? Shumica nuk janë e këtij mendimi nxitur edhe nga kokëfortësia e Mozilla ndaj iOS.
/PC World Albanian/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English