Shenjat që tregojnë se keni marrëdhënie toksike me punën

A jeni duke punuar aktualisht në një mjedis toksik pune ose me dikë që shpërndan energji toksike?

Kjo nuk është e pazakontë. Sipas një sondazhi të vitit 2019 të kryer nga Shoqata për Menaxhimin e Burimeve Njerëzore (Society for Human Resource Management, SHRM), 1 në 5 persona që lanë punën e tyre, përmendën kulturën toksike si arsyen e largimit.

Ndoshta të gjithë kemi përvoja të tilla – na është dashur të punojmë me një person negativ, të cilit i mungon optimizmi dhe arrin ta përcjellë negativitetin e tij tek të tjerët.

Pjesa e vështirë është të kuptoni se si energjia e tyre toksike, po ndikon negativisht te vetëvlerësimi dhe mirëqenia juaj fizike.

Çfarë është një mjedis pune toksik?

Një mjedis pune toksik është një mjedis i dëmshëm, që ndikon ndjeshëm në mirëqenien dhe produktivitetin e punonjësve.

Karakterizohet nga një atmosferë negative, ku punonjësit përjetojnë vazhdimisht kushte jo të shëndetshme, që pengojnë rritjen e tyre profesionale dhe lumturinë personale.

Ky mjedis toksik shpesh karakterizohet nga një sërë faktorësh, duke përfshirë frikën, armiqësinë dhe stresin kronik.

Në një vend pune toksik, punonjësit mund të përballen me mungesën e mbështetjes dhe nxitjes nga eprorët dhe kolegët.

Në vend të nxitjes së bashkëpunimit dhe punës në grup, ekziston një ndjenjë e përgjithshme konkurrence dhe mosbesimi.

Kjo shkakton një mjedis pune armiqësor, ku individët mund të përdorin taktika manipuluese, thashetheme dhe ‘thika pas shpine’, për të çuar përpara planet e tyre.

Ky mjedis negativ pune, mund të rrënjosë tek punonjësit dyshimin për veten dhe një ndjenjë të ulët vetëvlerësimi.

Mund të shkaktojë që ndjenjat eburnout dhe rraskapitja në punë, të jenë të zakonshme.

Ky lloj mjedisi mund të rezultojë në ulje të kënaqësisë në punë, ulje të produktivitetit dhe efekte negative në shëndetin mendor dhe fizik.

Krijimi i një mjedisi pune të shëndetshëm dhe mbështetës, është thelbësor për nxitjen e angazhimit të punonjësve, kënaqësisë në punë dhe suksesit të përgjithshëm organizativ.

Është koha për të reflektuar në vendin e punës dhe për të parë, nëse mund të jetë koha për
ndryshim.

Në vazhdim shpjegohen 10 shenjat, që tregojnë se jeni në një vend pune toksik dhe kjo po ndikon në mirëqenien tuaj.

1. Ka komunikim të dobët ose të paqartë dhe pasiv-agresiv.

2. Kolegët shfaqin sjellje përjashtuese, flasin pas shpine dhe duket sikur i keni kundërshtarë.

3. Për drejtuesit kanë më shumë rëndësi fitimet se sa punonjësit dhe ata nuk vlerësojnë vërtet kontributet dhe vlerën e tyre.

4. Ekipet në punë janë të pamotivuar dhe nuk janë të gatshëm të punonjë më shumë, zakonisht për shkak se ndihet burnout dhe nuk kanë asgjë për të dhënë.

5. Ka mungesë ekuilibri punë-jetë në të gjithë organizatën, duke filluar nga niveli drejtues.

6. Ndiheni të mbingarkuar dhe të nënvlerësuar, dhe si pasojë shkaktohet një nxitje e pavetëdijshme për të punuar më shumë, për të provuar veten dhe për të marrë lëvdata.

7. Burnout është një fenomen i zakonshëm në vendin e punës, duke shkaktuar lodhje mendore, emocionale dhe fizike.

8. Nuk ka kufij midis punës dhe jetës personale dhe ka ndërhyrje të vazhdueshme pritshmëri tepër të larta, që shkaktojnë burnout stres, në pamundësi për të mbajtur një ekuilibër të shëndetshëm punë-jetë.

9. Mungesa e besimit në vendin e punës, është një tregues i qartë i toksicitetit, pasi shkatërron marrëdhëniet e shëndetshme dhe bashkëpunimin mes kolegëve.

10. Nuk ka mbështetje për ngritje në detyrë, duke shkaktuar që punonjësit të ndihen të mbërthyer në rolet e tyre aktuale, me perspektiva të kufizuara për përparim dhe zhvillim të karrierës.

Nëse ndonjë nga situatat e përmendura më lart, ka qenë përvoja juaj në punë, është e rëndësishme që të filloni të vini re ndikimin, që vendi toksik i punës ka në mendjen, zemrën dhe mirëqenien tuaj.

Në afatgjatë, këto situata mund të jenë stresuese dhe dobësuese, nëse lihen të pakontrolluara. / Your Tango