Shembja e urës në Itali, Konfindustria kërkon të shtrëngohen kriteret për koncesionarët

Shembja e urës në Itali, Konfindustria kërkon të shtrëngohen kriteret për koncesionarët në Shqipëri


 

Nisur nga tragjedia e shembjes së autostradës në Gjenova, Itali, Konfundistria në Shqipëri i kërkon qeverisë shqiptare të rishikojë tërësisht mënyrën e sotme të ndërtimit dhe menaxhimit të rrugëve kombëtare, koncesionet, PPP-të si edhe kontratat e mirëmbajtjes të infrastrukturës.

Administratori i Konfindustrisë Gjergj Buxhuku thotë se duhet të krijohet një “Agjenci Publike e Menaxhimit të Infrastrukturës dhe Strategjisë se Zhvillimit dhe Menaxhimit Infrastrukturor, sipas standardeve të vendeve të zhvilluara. Pas kësaj sipas konfindustrisë, duhet të përcaktohen sërisht kushtet e përzgjedhjes së kompanive, që marrin përsipër ndërtimin dhe mirëmbajtjen e akseve strategjike të rrugëve dhe veprave kryesore të infrastrukturës kombëtare.

Disa prej kushteve sipas Konfindustrisë janë:

I-Kompanitë që kërkojnë të jenë pjesë e garave publike me kapital publik dhe privat të kenë përvojë në ndërtimin dhe mirëmbajtjen e veprave infrastrukturore dhe akseve strategjike të vendit. Kompanitë pa përvojë ose me përvoja negative, nuk mund të jenë fitues të garave publike të infrastrukturës së vendit, pavarësisht burimit publik dhe/ose privat të financimit.

Lexoni: Shqipëri versus Itali në fushën e tanxhentopol-it

Të hiqet dorë nga praktika e derisotme e pjesëmarrjes fiktive të kompanive me standarde, thjesht për të përligjur pjesmarrjen dhe fitimin e garave publike të infrastrukturës nga subjekte të treta pa përvojë. Janë me dhjetra raste të pjesëmarrjes dhe më pas tërheqjes nga përgjegjësitë e menaxhimit të veprave infrastrukturore të kompanive me standarde, përfshirë edhe akse rrugore strategjike si projekti i mirëmbajtjes së Rrugës së Kombit.

II-  Të bëhen ndryshime ligjore për të rritur garancitë dhe penalitetet financiare për shkeljet në zbatim të projekteve nga kompanitë fituese të garave publike, pavarësisht llojit të financimit publik ose privat dhe tipit të projekteve si koncesione, PPP, etj.

Shtrëngimi i kritereve për ndërtimin dhe mirëmbajtjen e rrugëve, nevojitet sipas Konfindustrisë edhe për të mos lejuar përsëritjen e rasteve të flagrante me pasoja të rënda për ekonominë, siç janë projektet e unazës së Fierit, Vlorës, rrugës Elbasan –Tiranë, Portit të Vlorës, etj.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0