Në fazën e parë të trajnimeve në Elbasan morën pjesë rreth 50 sipërmarrës të rinj nga Tirana, Elbasani, Cërriku, Përrenjasi, dhe Librazhdi. Idetë e tyre të biznesit përfshijnë sektorë si bujqësia, agro-përpunimi, turizmi, tekstile shërbime, ndër të cilat: kultimivi i shafranit, prodhim fidanësh dhe farëra bujqësore, organizim eventesh, marketing online, veshje të personalizuara me detaje, qendër kursesh profesionale, etj.
Përmes ushtrimeve praktike, aplikantët përjetojnë situata reale biznesi, duke nxitur kështu edhe reflektimin për vendimin që do të marrin për të zgjidhur një situatë të vështirë. Pse jo, edhe një kompleks situatash.
Trajnimi“Bëhu vetë sipërmarrës” (në videon më poshtë) trajton çështjet lidhur me karakteristikat personale të një sipërmarrësi, marrja e përgjegjësive, mësimi nga dështimi, këmbëngulja, kreativiteti, etj. Eksperti ligjor ka informuar pjesëmarrësit mbi paketën ligjore për biznesin, strukturat dhe detyrimet ndaj palëve dhe ndaj shtetit.
Mbi 400 sipërmarrës të rinj kanë marrë pjesë në fazën e parë të trajnimeve IDEA në Tiranë, Elbasan, Vlorë, Durrës, Shkodër, Korçë dhe Fier.
120 prej tyre do të vazhdojnë “SFIDA IDEA”. Përzgjedhja është bazuar në disa kritere si idea e biznesit, niveli i përfshirjes aktive, cilësia e kontributeve gjatë diskutimeve, aftësitë personale sipërmarrëse. Pjesëmarrësit ndihen shumë entuziastë për të vazhduar rrugëtimin në “Sfidën IDEA”. Ata do të përfitojnë trajnim për kompetencat e avancuara të biznesit, këshillim dhe mentorim nga biznesmenë të suksesshëm vendas dhe të huaj. Në vjeshtë ata do të kenë gati planin e tyre të biznesit dhe mund të fillojnë apo zgjerojnë biznesin e tyre.
“IDEA +” do të jetë mundësia për të gjithë personat që nuk do të mund të vazhdojnë “Sfida IDEA”. Ata do mund të përfitojnë nga 5 ditë trajnim për të konsoliduar idenë e biznesit dhe zhvilluar planin e biznesit, të pa shoqëruar me seanca këshillimi dhe mentorim.
Për më shumë mund të shikoni videon:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English