Serveri i tatimeve, Cani: Kontrollin e urdhërova unë


Ish-ministri i Financave Shkëlqim Cani ka dëshmuar përpara komisonit hetimor parlamentar mbi dyshimet e klonimit të serverit të tatimeve. Cani ka pranuar se ishte ai që kishte vendosur në kushte emergjence kryerjen e kontrollit të serverit, duke përzgjedhur edhe anëtaret e grupit të auditit.

“Nga verifikimet që janë bërë në drejtorinë tatimore të Tiranës, kishte raste ku janë bërë veprime në sistem dhe personat, emrat e të cilëve përmendeshin nuk e pranonin që e kishin bërë vetë ndërhyrjen”, tha ish ministri i Financave, Shkëlqim Cani.

Dyshimet se përzgjedhja e anëtareve të grupit të auditit dhe mënyra e bërjes së kontratës, ishin bërë të pambështetura në ligj, dhe për rrjedhojë opozita në komision hedh dyshime se janë marrë të dhënat e tatimeve për qëllime të tjera jashtë atyre të përcaktuara në raportin e auditit, ka ngjallur debate mes kryetarit të komisonit Arben Ristani dhe ish-ministrit Cani.

“Nuk keni zbatuar aspak, se keni lidhur një kontratë për një shërbim, kontrata për një shërbim lidhet mbi bazën e ligjit për prokurimimin publik. Ata personat që çuat ju i futën në sqetull natën të dhënat dhe ikën nga drejtoria e tatimeve”, tha Arben Ristani.

“Ju referoheni për atë që është me para. Unë po ju them se i kam marrë pa para. Ju konkluduar për gjëra që unë nuk e di nga i dini”, tha Cani.

Duke insistuar se ka vepruar konform ligjeve dhe në favor të interesave të shtetit, ish-ministri Cani i ka bërë thirrje ministrit aktual të Financave, që pas përfundimit të këtij komisioni të ngrejë një tjetër grup kontrolli për të verifikuar sërish serverin për të cilin u ngrit ky komision, pasi Cani dyshon se akoma shkelje dhe vjedhje në dëm të interesave të shtetit.

 

/Top-Channel/

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0