Një e pesta e të gjithë fotografive të shkrepura nga teleskopët që kërkojnë për asteroidë në hapësirë ndërpriten nga prania e satelitëve Starlink, sipas një studimi të ri.
SpaceX ka lançuar gjithnjë e më shumë satelitë që nga 2018, mbi 2,000 deri më tani në orbitën e ulët rreth 550 kilometra mbi sipërfaqjen e tokës. Qëllimi i këtyre satelitëve është të sigurojnë internet me kualitet dhe shpejtësi të lartë në të gjithë sipërfaqjen e Tokës. Megjithatë prania e kaq shumë satelitëve është kritikuar nga shumë astronomë, të cilët tregojnë se këto objekte shfaqen si vija në imazhet e kapura nga teleskopët, duke penguar vëzhgimet e tyre shkencore.
Një studim nga California Institute of Technology ekzaminoi të gjitha imazhet e regjistruara nga Zwicky Transient Facility nga 2019 deri në 2021. Ato zbuluan se në nëntor të 2019 vetëm 0.5% e imazheve kishin një “vijë të drejtë”, ndërkohë që në vitin 2021 ky numër u rrit në 20%.
Lexo edhe: Projekti “Starlink” i SpaceX bëhet gati të ofrojë lidhje interneti tek avionët komercialë
Shkencëtarët parashikojnë se kur numri i satelitëve të SpaceX të arrijë në 10,000, çdo imazh i kapur do të ketë të paktën nëj vijë të drejtë. Megjithatë situata nuk është aq problematike, pasi kjo vijë e drejtë zë vetëm 1/10 e 1% të pixel-ave që gjenden në imazhet ZTF, pra kanë një impakt më të vogël se kur qielli është me re.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English