Rrjetet sociale i kanë shpallur luftë të hapur presidentit amerikan, Donald Trump për shkak të postimeve, që ai publikon.
Aplikacioni Snapchat ka ndaluar së promovuari llogarinë e Donald Trump. Si rezultat, ajo nuk do të shfaqet më në seksionin ‘Discover’ ku shfaqen profilet e njerëzve.
Vendimi u mor pasi Trump shkruante se “qentë e egër” dhe “armët shkatërruese” do të përdoren për protestuesit, nëse ata shkelnin gardhin e Shtëpisë së Bardhë.
Snapchat ka deklaruar se presidenti i SHBA-ve po nxit dhunën racore dhe në këtë rast postimet fshihen automatikisht. Sipas aplikacionit dhuna racore dhe padrejtësia nuk kanë vend në shoqëri dhe se drejtuesit qëndrojnë së bashku me të gjithë ata, që kërkojnë paqe, dashuri, barazi dhe drejtësi në Amerikë.
Ky vendim vjen një javë pasi edhe Twitter i quajti postimet e presidentit amerikan si potencialisht mashtruese, teksa kreu i SHBA-ve kishte shkruar se votimet me postë do të manipulojnë zgjedhjet e nëntorit. Për këtë arsye Twitteri kërkoi që çdo postim i tij të kontrollohej dhe të verifikohej.
Trump firmosi një urdhër ekzekutiv që përkufizon mbrojtjen dhe detyrimet ligjore që kanë mediat sociale në tërësi. Në bazë të kësaj platformat online si Facebook dhe Twitter mund të paditen nëse gjykohet se po bllokojnë një postim në mënyrë të padrejtë.
Lexoni: Presidenti Trump nënshkruan urdhërin ekzekutiv për kompanitë e mediave sociale
Edhe aplikacionet e tjera po i bëjnë presion Facebook që edhe ai të veprojë njëlloj pasi ka mbajtur qëndrime të kundërta. Shefi ekzekutiv i tij, Mark Zuckerberg, ka thënë se postet e Presidentit duhet të lihen të pandryshuara.
Presidenti Trump ka më shumë se 1 milion ndjekës në Snapchat. Llogaria e presidentit nuk do të pezullohet ose fshihet. Fakti që nuk do të shfaqet në ‘Discover’ do të thotë që postimet e tij do të shihen vetëm nga njerëz, që duan ta ndjekin.
Lexoni: Nuk reagoi ndaj Trump, punonjësit e Facebook sulmojnë Zuckerberg
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
