Rritja e kërkesës për pajisje elektronike në Kosovë, bankat subvencion me norma minimale


Për blerje të pajisjeve të ndryshme elektronike deri në 1,000 euro, shuma e interesit bankar vjetor ka rënë në vetëm 16 euro.
Kreditë që dikur ishin malli më i shtrenjtë në Kosovë, ngadalë po shkojnë duke u liruar.

Derisa bankat kujdesen të ruajnë stabilitetin e tyre financiar popullariteti i telefonave të mençur mobil dhe televizorëve, por edhe kërkesa e madhe për modelet e reja të laptopëve dhe kompjuterëve tabletë ka bërë që në tregun kosovar të ofrohen mundësi të reja të kredive konsumuese me norma shumë më të ulëta të interesit, sesa ato në rajon.

Në njërën prej kredive të fundit konsumuese që po ofrohet në treg, për blerje të pajisjeve të ndryshme elektronike në vlerën që arrin 1,000 euro, shuma e interesit bankar vjetor ka rënë në vetëm 16 euro për një vit, pas subvencionimit të normës së interesit që NLB dhe Gama kanë bërë për konsumatorët e kësaj të fundit.

Ky trend i ofrimit të normës më të ulët të kamatës është filluar nga kompania Gama Electronics. Importuesi i madh i pajisjeve elektronike të markave më të mëdha të tregut botëror – Gama Electronics ka promovuar një mundësi për blerje të produkteve të ndryshme të saj me këste – televizorë të mençur, telefona mobilë, tabletë nga Samsung, laptopë nga Lenovo dhe shumë produkte tjera, për të cilat norma e interesit në fund të vitit është më e ulët.

Mentor Hajdini, përfaqësuesi i Gama Electronics tha se “jemi shumë të vetëdijshëm për kërkesën dhe nevojën e madhe të produkteve të konsumit elektronik, por edhe për pamundësinë e shumë blerësve që produktet tona t’i blejnë me para kesh. Për këtë ne e kemi ofruar një mundësi të lehtë dhe shumë të volitshme që shumicën e produkteve tona konsumatorët t’i blejnë pa u ngarkuar me norma të larta të interesit. Me plotësimin e një aplikacioni të vetëm, konsumatorët tanë marrin gjithçka që u duhet në vlerë prej 1,000 euro, për vetëm 16 euro interes vjetor.”

Kjo është norma më e ulët e interesit të një kredie konsumuese në Kosovë, dhe mbase shërben si një sinjal pozitiv i cili paralajmëron ulje të mëtejme të normave të interesit në tregun tonë, së paku për produktet për të cilat ka kërkesë të madhe në tregun kosovar.

Siç dihet, Kosova është njëra ndër vendet me popullsinë më të re në Evropë dhe kërkesa për pajisjet elektronike është gjithnjë në rritje, sidomos kur shkalla e depërtimit të internetit dhe e përdorimit të pajisjeve të mençura është në rritje të shumëfishtë nga viti në vit.

 

/Telegrafi/

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale