Rritet numri i netëve të qëndrimit në hotele. Shtohen pushuesit me rulota - Business Magazine Albania

Rritet numri i netëve të qëndrimit në hotele. Shtohen pushuesit me rulota

Shifrat e fundit të strukturave akomoduese të publikuara nga INSTAT për muajin Qershor tregojnë tendencë në rritje të numrit të pushuesve, por edhe rritjen e netëve të qëndrimit.

Në muajin Qershor 2022, numri i vizitorëve gjithsej është rritur me 25,5 %, në krahasim me Qershor 2021. Më e ngadaltë është rritja e numrit të vizitorëve rezident, me 15,2 %; ndërsa numri i vizitorëve jo-rezident është rritur me 34 %.

Sipas të dhënave të INSTAT numri i vizitorëve rezident të cilët janë akomoduar në Rajonin Qendër ka shënuar rritjen prej 30 %. Në zonat jo-bregdetare ky tregues është rritur me 51,8 %, krahasuar me të njëjtën periudhë të vitit të mëparshëm.

Ndërkohë që numri i vizitorëve të cilët janë akomoduar në “Hapësirat për kampingje, çadra ose rulota argëtimi” ka shënuar rritjen më të lartë prej 2,7 herë. Numri më i lartë i turistëve të huaj, është nga Kosova, të cilët përbëjnë 16,7 % të pushuesve të huaj, më pas janë polakët me 7,1 %, turistët nga Itali me 5.2%, shtetasit nga Gjermania përbëjnë 4,8 %, ata nga Anglia me 2,6 %.

Tendencë në rritje kanë edhe netët e qëndrimeve, të cilat janë rritur gjithsej me 37,9 %, në krahasim me Qershor e vitit të shkuar. Në publikimin e INSTAT përcaktohet se numri i net-qëndrimeve nga rezident është rritur me 12,2 %, por netët e qëndrimeve nga të huajt kanë rritjen më të ndjeshme prej 54,5 %. Norma e shfrytëzimit të shtretërve të “Hoteleve dhe akomodimeve të ngjashme” është 23,2 %, kundrejt 18,2 % që ishte në muajin Qershor 2021.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0