Rritet interesi për energji nga burime të rinovueshme, tashmë një tjetër

Rritet interesi për energji nga burime të rinovueshme, tashmë një tjetër park fotovoltaik në Shkodër


Ka një interes në rritje për prodhimin e energjisë nga burime të rinovueshme dhe specifikisht nga dielli. Kompania e radhës që ka aplikuar pranë Ministrisë së Energjisë dhe Industrisë, këto ditë është IN Food sh.p.k, e cila parashikon që të ndërtojë një park fotovoltaik me kapacitet 1.975 MW në zonën “Gomsiqe”,  Qarku Shkodër.

Projekti

“Shoqëria “IN FOOD” Sh.P.K. ka aplikuar për pajisjen me autorizim paraprak në bazë të Vendimit të Këshillit të Ministrave nr. 822, datë 7.10.2015 “Për miratimin e rregullave dhe procedurave të ndërtimit të kapaciteteve të reja prodhuese të energjisë elektrike, që nuk janë objekt koncesioni” i ndryshuar, për ndërtimin e një parku fotovoltaik në Zonën “Gomsiq’, Qarku Shkodër me një sipërfaqe totale të projektit rreth 38.000 m² ku kapaciteti i instaluar do të jetë 1.975 MW me një vlerë investimi rreth 2.7 milionë €” thuhet në njoftimin e ministrisë.

Pranë ministrisë së Energjisë gjatë këtij viti ka pasur disa shprehje interesi për parqe fotovoltaikë në zona të ndryshme në vend që në total kapin një vlerë disa dhjetra milionë euro. Kapaciteti i instaluar i tyre, të marra veç e veç, llogaritet nën 2 MW duke bërë që mos trajtohen si koncesione tipike.

Në çdo rast të propozuar, nga ana e Ministrisë, pas vlerësimit të projektit dhe dokumentacionit bëhet një shpallje me afat 15 ditor, për t’ju lënë mundësi palëve të treta, të shprehin komentet apo rezervat që mund të kenë. Në rast se nuk ka problematika, këto projekte kalojnë në fazën finale të miratimit.

burimi: Monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0