Rreth 4,000 punonjës të kompanisë amerikane WeWork, janë pushuar nga puna
Përditësuar së fundmi: 25/11/2019

Rreth 4,000 punonjës të kompanisë amerikane WeWork, janë pushuar nga puna

Share
nga Eridon Elshani
Nën 25, 2019
-Manages Business Mag Kosovo
lexo me teper >

Rreth një e treta e punonjësve të kompanisë WeWork u pushuan nga puna këtë javë. Një raport vlerësoi se rreth 4,000 njerëz humbën punën e tyre në të gjitha nivelet e kompanisë edhe pse ish-drejtori i kompanisë, Adam Neumann (edhe ky i pushuar nga puna) raportohet se u largua me 1.7 miliardë dollarë në llogarinë e tij.

Disa muaj më parë, këta punonjës të zgjuar, ambiciozë po punonin për një kompani që cilësohej si një ndër startup-et më të mira në botë, duke e parashikuar veten si pjesë e një transformimi masiv të punës në shekullin XXI.

Pastaj, për shkak të vendimeve të marra nga menaxhmenti dhe mbivlerësimit të tepërt nga investitorët, ata papritmas mbetën të papunë. Imagjinoni bisedat që do të zhvillojnë këtë javë me familjen dhe miqtë e tyre.

Kjo është një histori e zymtë që asnjë themelues biznesi nuk duhet ta harrojë. Kompania WeWork promovoi një kulturë të punës shumë kreative, autonome, por Neumann dhe ekipi i tij ekzekutiv i zgjedhur nuk u kujdesën sa duhet për ekipin e tyre. Ata ofruan shumë gjëra interesante, madje organizuan edhe një kamp veror! Por ata nuk ofruan gjërat më të rëndësishme: ndershmërinë, empatinë dhe kujdesin. Ata harruan se punonjësit e tyre janë gjëja më thelbësore për suksesin e kompanisë.

Gjithsesi, krijoni një kulturë argëtuese, nëse kjo ju përshtatet juve dhe biznesit tuaj, por kurrë mos harroni se punonjësit tuaj e përshtasin jetën e tyre rreth kompanisë tuaj. Në rastin e WeWork, ishin 12.500 njerëz që mbështeteshin në këtë kompani për të mbajtur veten dhe familjet e tyre.

Inc



Evente