Ky veprim është planifikuar për gjysmën e dytë të vitit 2019, tha Branson të martën në kanalin financiar amerikan CNBC. Brenda një viti, do të përfundohen fluturimet e para në hapësirë për konsumatorët. Branson pret që kompania të fillojë të gjenerojë të holla vetëm dy vjet pas premierës në bursë.
Virgin Galactic është në konkurrencë me Blue Origin dhe SpaceX
Para se aksionet të ofrohen publikisht, Virgin Galactic do të bashkohet me kompaninë Social Capital Hedosophia (SCH) të ish-menaxherit të Facebook-ut Chamath Palihapitiya. SCH do të mbajë 49 për qind të kompanisë e cila vlerësohet rreth 1.34 miliardë euro.
Virgin Galactic është në konkurrencë të ashpër me rivalët si Blue Origin të themeluesit të Amazon Jeff Bezos dhe SpaceX të drejtorit të Tesla Elon Musk, i cili gjithashtu dëshiron të transportojë turistë në hapësirë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
