Renis Tusha, 17 vjeçari kampioni i boksit shqiptar
Përditësuar së fundmi: 10/04/2019

Renis Tusha, 17 vjeçari kampioni i boksit shqiptar

Share
nga Ornela Trupja
Pri 10, 2019

Renis Tusha është vetëm 17 vjeç. Prej katër vitesh është pjesë e Federatës Shqiptare të Boksit. Ka përfaqësuar Shqipërinë në shumë ndeshje boksi dhe në dhjetë prej tyre është kthyer në Tiranë me fitore. Që në vogëli ka qenë i apasionuar pas boksit dhe prindërit nuk e kaluan pa u vënë re talentin e tij.

Fillimisht shkonte në stërvitje boksi deri sa një ditë trajnjeri e vuri re potencialin e tij dhe e nxiste vazhdimisht për të vazhduar me tej.

Për BusinessMag.al ai shprehet se në çdo ndeshje është munduar të përfaqësojë denjësisht Shqipërinë, të tregojë se, “edhe vendi ynë ka talente dhe potenciale që premtojnë shumë për të ardhmen”. Fitoret ua dedikon familjes dhe miqve, të cilët e kanë përkrahur e mbështetur. Mbi familjen ka rënë edhe barra financiare, nisur nga fakti që Federata nuk e ka mbështetur financiarisht në trajnime.

Lexo:  Sameti, djali që po i përkushtohet motivimit në Dibër

Kur e pyesim për ndeshjet e fituara, ai shprehet tepër i emocionuar dhe liston për ne disa nga fitoret e tij. Në kampionatin shqiptar doli kampion në kategorinë e lehtë 64 kg. Në vitin 2016 fitoi çmimin e parë në një kampionat boksi të mbajtur në Prizren. Në dy kampionate boksi të mbajtura në Gjermani ka marrë vendin e parë. Një tjetër arritje e tij është marrja e titullit “Boksieri i Perspektivës”. Ndeshjen e parë e fitoi kur ishte 13 vjeç.

Së fundi ishte pjesëmarrës në një ndeshje në Gjermani përballë një 24 vjeçari italian, ku fitoren sërish e mori Renisi. Kur flet për fitoret lumturia i lexohet qartë në sy. Ndeshja e fundit do të mbetet si më e veçanta, pasi kundërshtari i tij ishte shtatë vite më i madh në moshë.

Kur pyetet për planet e së ardhmes ai shprehet: “Është herët për të folur për të ardhmen por synoj që të arrij sa më shumë të jetë e mundur duke bërë krenare familjen time dhe të gjithë ata që besojn tek unë dhe tek aftësitë e mia”. Ai do të përfaqësojë Shqipërinë në kampionatin Europian 2019, i cili do të mbahet në Francë.


Evente

Rikthehet TË RINJTË FLASIN!

Korrik 31, 2019
2 PM – 5 PM