Koncepti i të nxënit gjatë gjithë jetës është bërë më i rëndësishëm se kurrë. Teknologjia, tregjet globale dhe zhvillimet socio-ekonomike kërkojnë që individët të përshtaten dhe të zhvillojnë vazhdimisht aftësitë e tyre. Mësimi i vazhdueshëm nuk është vetëm një domosdoshmëri për të mbetur konkurrues në tregun e punës, por edhe një çelës për vetë-zhvillim dhe sukses profesional. Një shembull i shkëlqyer i këtij koncepti është Gladiola Dona, themeluese e Hospitality and Tourism Academy (HAT), një institucion që promovon arsimimin e vazhdueshëm në industrinë e turizmit dhe mikpritjes. Me një përvojë të pasur në këtë sektor, Gladiola Dona ka kuptuar se zhvillimi profesional nuk ndalet me marrjen e një diplome, por kërkon angazhim të vazhdueshëm për të përmirësuar njohuritë dhe aftësitë.
Të nxënit gjatë gjithë jetës në sektorin e turizmit dhe mikpritjes
Industria e turizmit dhe mikpritjes është një nga sektorët më dinamikë, ku standardet, kërkesat e klientëve dhe teknologjia ndryshojnë vazhdimisht. Për këtë arsye, HAT është ndërtuar mbi filozofinë e të nxënit të vazhdueshëm, duke ofruar programe trajnimi që ndihmojnë profesionistët të mbeten të përditësuar me tendencat dhe risitë e tregut.
Për shembull, HAT ofron kurse mbi menaxhimin e hotelerisë, shërbimin ndaj klientit, sigurinë ushqimore dhe inovacionin në turizëm.
HAT gjithashtu ka krijuar dhe HAT Association of Professionals, shoqatë që bën bashkë ofruesit e shërbimit me distributorët e industrisë, ku këta të fundit ofrojnë trajnime të vazhdueshme për aktorët në treg. Kjo qasje, jo vetëm krijon rrjetëzim, bashkëpunim dhe vlerë, por bën që industria të qëndrojë e përditësuar me të rejat e fushës. Përmes këtyre programeve, individët kanë mundësinë të zhvillojnë aftësitë e tyre, të rrisin profesionalizmin dhe të sigurojnë një avantazh konkurrues në tregun e punës.
Lexo edhe: Nga Pinterest te panairet italiane: Si ndërtoi Arjola një komunitet rreth artit handmade
Pse është e rëndësishme të mësojmë gjatë gjithë jetës?
- Përshtatje me ndryshimet – Teknologjia dhe tendencat e tregut ndryshojnë vazhdimisht. Ata që vazhdojnë të mësojnë, mund të përshtaten më shpejt dhe të mbeten konkurrues.
- Rritja profesionale dhe karriera – Individët që investojnë në zhvillimin e tyre profesional kanë më shumë mundësi për promovime dhe rritje në karrierë.
- Zgjerimi i mundësive – Duke mësuar vazhdimisht, hapen dyer të reja për punësim dhe sipërmarrje të reja.
- Vetëbesimi dhe përmbushja personale – Të nxënit e vazhdueshëm ndihmon në zhvillimin e vetëbesimit dhe rritjen e kënaqësisë personale.
Rëndësia e të nxënit gjatë gjithë jetës nuk mund të nënvlerësohet. I nvestimi në arsimim të vazhdueshëm është një strategji e suksesshme për të ndërtuar një karrierë të fortë dhe për të qenë gjithmonë të përgatitur për sfidat e reja. Duke ndjekur këtë shembull, individët dhe bizneset mund të sigurojnë rritje të qëndrueshme dhe sukses në një botë gjithnjë në zhvillim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
