Rëndësia e një mentori dhe afërsia që duhet të keni me të


Një mentor i mirë ju frymëzon, zhvillon inteligjencën tuaj emocionale dhe ju ndihmon të jeni mendjehapur dhe pa komplekse. Ai nuk gjykon. Mentori ofron një hapësirë ​​të sigurt për të mësuar, eksperimentuar dhe shtruar pyetje, pa marrë parasysh se si do të gjykojnë të tjerët.

Në botën e korporatave, mentorimi rrit angazhimin e punonjësve dhe pasurimin me njohuri. Mentorimi i bën mirë kompanisë në fazat e hershme dhe i udhëzon drejtuesit në rrugën drejt suksesit. Ja disa mënyra se si të ndiheni më të afërt me mentorin tuaj dhe se çfarë t’i kërkoni atij.

Mentorë të ndryshëm, arsye të ndryshme

Të kesh më shumë se një mentor është me rrezik. Mentorët kanë aftësi të ndryshme, por ju duhet të komunikoni me ta atëherë kur e keni të nevojshme. Së pari, gjeni një mentor me të cilin identifikoheni. Kjo do të thotë të gjesh dikë që ka stil dhe mënyra të ngjashme me të tuat. Mentorimi do të jetë ndriçues për karrierë tuaj. Ju do të mësoni se si i përdorin aftësinë e tyre për të dalë nga situatat e ndërlikuara dhe t’i bëjnë gjërat të funksionojnë në favor të tyre. Mundësia e rritjes që ofrojnë do të jetë e jashtëzakonshme. Duke adoptuar një paketë të veçantë mjetesh për standardet e provuara dhe të vërteta, do të mësoni këshilla, truke dhe mënyra të reja për të kryesuar.

Mos detyroni

Gjetja e një mentori duhet të vijë si rezultat i një “pasioni”. Duhet të ketë diçka që ndez kur i takoni ata ose dëgjoni ato që ata kanë për të thënë. Ndoshta ju keni pasur një bisedë gjallëruese me ta në rrjetet sociale ose jeni impresionuar nga leximi i shkrimeve të tyre. Gjithmonë duhet të ketë diçka që do t’ju lidhë me mentorin tuaj, sepse do të frymëzoheni nga ai, do të bëni si ai.

Lexoni: Arti i Mentorimit: 3 hapat për krijimin e liderëve të biznesit

Jini të qartë kur pyesni

Pasi të keni përcaktuar se ekziston një prirje e ndërsjellë, pyesni nëse ata kanë kohën dhe prirjen për t’ju këshilluar. Sigurohuni të pyesni në mënyrë specifike për çfarë dëshironi të drejtoheni dhe se nga cilat aftësi të tyre doni të përfitoni. Jini fleksibël me pyetjen tuaj dhe sugjeroni që të dy të angazhoheni për një periudhë të vogël për të parë se si funksionon për të dy. Pasi të jeni në rrjedhën e plotë të mentorit, sigurohuni që të merrni parasysh marrëdhëniet tuaja dhe të vlerësoni se çfarë funksionon dhe çfarë mund të përmirësohet në intervale të rregullta.

Mendoni jashtë kornizave

Ju nuk keni nevojë të takoni një mentor në punë. Mund t’i takoni kudo. Nëse jeni origjinal në lidhjet tuaja me njerëzit, krijoni më shumë mundësi dhe jo vetëm mundësi për mentorim; por mundësi për partneritete biznesi, punonjës të mundshëm dhe madje edhe investime. Linjat midis punës dhe lojës janë të paqarta për çdo sipërmarrës, kështu që mbani vesh në bisedat me mentorët në çdo kohë.

Forbes

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale