Regjisori i Demi Lovato: Për të krijuar përmbajtje të shkëlqyer, ndiqni rregullin Super Bowl - Business Magazine Albania

Regjisori i Demi Lovato: Për të krijuar përmbajtje të shkëlqyer, ndiqni rregullin Super Bowl

Producenti dhe sipërmarrësi Michael D. Ratner shpjegon se si të krijoni një audiencë të angazhuar duke postuar përmbajtje me të cilën njerëzit nuk mund të ngopen.

Regjisori Michael D. Ratner po shfaqet në titujt kryesorë për shkak të dokumentarit të tij “Demi Lovato: Dancing With the Devil”, në lidhje me jetën dhe karrierën e ish-yllit të Disney, i cili u shfaq në Festivalin e Filmit SXSW. Por jo çdokush është në dijeni se Ratner është një krijues i suksesshëm i përmbajtjes për markat në internet.

Ratner është themelues dhe CEO i OBB Media, një studio prodhimi në Hollywood, fituese e çmimit Emmy. Puna e tij ka tërhequr më shumë se dy miliardë shikime në televizion, filma, podcast-e, seri të shkruara Audible dhe projekte të përmbajtjes së markës, që kur themeloi kompaninë në 2016. Seriali i tij në internet me protagonist komedianin Kevin Hart, “Cold as Balls”, i cili ka më shumë se 1.6 miliardë shikues, sponsorizohet nga marka e tij Old Spice.

Lexo: Përgjigjia me 5 fjalë e Tim Cook ndaj Facebook

Suksesin e tij ai ia atribuon pjesërisht mendësisë që ai sjell në projekte: “çdo lojë është Super Bowl dhe thjesht një tjetër lojë”. Kjo mendësi vendos një standard të lartë për t’u ndjekur: Trajtojeni gjithçka që bëni sikur të jetë gjëja më e madhe dhe më e rëndësishme që keni bërë, por pa e mbivlerësuar atë. Mos u vetëkënaqni, thotë ai, por as mos krijoni një presion për të pasur sukses, i cili mund t’ju bëjë të humbni ekuilibrin.

Përmbajtja e suksesshme e markës, thotë ai, fillon me respektimin e inteligjencës së audiencës suaj.

“Publiku nuk është budalla. Pavarësisht nëse jeni duke krijuar një pjesë përmbajtjeje që financohet nga një rrjet, një individ ose nga një markë, ajo duhet të jetë argëtuese, informuese, qesharake ose çfarëdo zhanri që po krijoni.”,- shpjegon ai.

“Audienca dëshiron të argëtohet ose të mësojë diçka”,- thotë Ratner, i cili është gjithashtu i njohur për prodhimin e videos së famshme muzikore të Justin Bieber “Intentions”.

Njihni audiencën tuaj

Çdo marketing i suksesshëm fillon me njohjen e audiencës suaj, përfshirë edhe njohjen e asaj çfarë ata ndjekin. Qëndroni të përditësuar me tendencat më të fundit, memet dhe folësit me ndikim dhe cilat çështje janë duke gjeneruar më shumë zhurmë dhe vëmendje. Nëse u jepni ato për të cilat interesohen, qoftë ky humor, histori frymëzuese ose përmbajtje edukative, Ratner thotë se ka më shumë të ngjarë të angazhohen me përmbajtjen tuaj.

“Mundohuni të kuptoni se çfarë inspiron dhe tërheqë njerëz”, thotë ai. “Nëse nuk ka me të vërtet jehonë, njerëzit nuk do të angazhohen”.

Lexo: Toyota po ndërton një qytet inteligjent 175 hektarë rrëzë malit Fuji

Qëndro i përulur

Për të krijuar histori dhe përmbajtje që nuk janë si të ngurta ose klishe, Ratner thotë që ju duhet të harroni egon tuaj dhe të dëgjoni më shumë. Të qëndruarit të përulur përsa u përket ideve tuaja ose nevojave për reklamime, ju mban të hapur për mendimet e të tjerëve, të cilat mund të përshtaten më mirë me audiencën tuaj.

“Kjo ju lejon të mësoni edhe kur jeni në një pozicion udhëheqës”,- thotë Ratner. Ai beson se cënueshmëria lejon krijimin e një atmosfere bashkëpunuese, e cila është mënyra e vetme për të arritur sukses kur krijoni përmbajtje që përfaqëson përvojat e dikujt tjetër ose markën e argëtimit.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0