Qytetet inteligjente, sfidat dhe mundësitë për rajonin - Business Magazine Albania

Qytetet inteligjente, sfidat dhe mundësitë për rajonin

~4 minuta lexim

Nga Neritan Mullaj, Drejtor Ekzekutiv, Dhoma Amerikane e Tregtisë

 Ka shumë për të folur mbi qytetet inteligjente dhe zhvillimin e pandalshëm që ato ofrojnë dhe Dhoma Amerikane po hedh një hap të parë për të promovuar vlerat e investimeve të teknologjisë përmes kompanive më të suksesshme globale tech – përballë potencialeve të paeksploruara që qytetet e Ballkanit Perëndimor.

Rëndësia e modernizimit dhe transformimit të cilësisë së shërbimeve në qytetet e Ballkanit është jetike dhe në një botë që po lëviz me shpejtësi drejt teknologjisë, përqasja ndaj kësaj të fundit është i vetmi model i suksesshëm.

Duke pasur në konsideratë modelet e fundit zhvillimore dhe investimet që i mundësojnë ato, ne po punojmë çdo ditë për t’i dhënë formë një mozaiku me shumë elementë që nxisin zhvillim.

Në cilësinë e Drejtorit Ekzekutiv të Dhomës Amerikane kam kënaqësinë të ndaj detajet e Konferencës së parë Rajonale të vendeve të Ballkanit Perëndimor për Qytetet Inteligjente që AmCham po organizon.

Për AmCham ky është në event i përmasave të mëdha që e vendos Dhomën në një pozicion qëndror lidhur me këto inisiativa edhe në kontekstin rajonal. Bashkëpunimi me Ambasadën Amerikane në Tiranë ka qënë thelbësor në realizimin e këtij eventi, i cili i paraprin një procesi veprimesh që do të vijojnë në nxitjen e investimeve dhe bashkëpunimit rajonal.

Konferenca do të zhvillojë një diskutim që synon të vërë në lëvizje aktorët kyç në rajon, për t’i treguar se ndryshimi po ndodh tani. “Smart City” është një nga ato shanset potenciale që kërkon vizionin e duhur të të gjithë pjesëmarrësve për të përfituar më të mirën e mundshme nga “revolucioni teknologjik” dhe idetë novatore në aplikimin e zgjuar dhe efiçent prej menaxherëve të pushtetit lokal.

Lexo: Qytetet Inteligjente – Ballkani Perëndimor, përfshirë Shqipërinë, përballë mundësive të investimeve Tech

Gjatë punimeve të konferencës  kompani të njohura ndërkombëtare do të referojnë përballë  kryebashkiakëve të qyteteve të ndryshme në Ballkanin Perëndimor mbi impaktin e novacionit dhe digjitalizimit në transformimin e qyteteve.

E gjithë konferenca është një mundësi e jashtëzakonshme networku, ku anëtarët e Dhomës Amerikane do të kenë mundësi të takohen me  kompani amerikane lider në fushën e teknologjisë, përfaqësuesit e  Bashkive të ndryshme nga vende të Ballkanit Perëndimor e Europës Juglindore, si dhe akademikë e përfaqësues të institucioneve ndërkombëtare financiare në BE dhe US.

Konferenca është konceptuar në sesione, ku secila prej tyre ka një temë që na ndihmon të fragmentarizojmë diskutimin për të ndërtuar pas çdo seance një panoramë të qartë të gjithë elementëve që shoqërojnë këtë sfidë dhe rolin që duhet të luajë gjithësecili.

Dita e dytë e konferencës i dedikohet diskutimit në nivel kryebashkiakësh mbi eksperiencat që ata kanë me projekte të ndryshme dhe impaktin në jetën e qytetit. Tryeza e rrumbullakët ku do të ulen jo vetëm përfaqësuesit e Bashkive të Rajonit por dhe përfaqësues të biznesit, akademikë dhe ekspertë, do të shërbejë për të ndërtuar një guidë që do të ndërthurë informacionin mbi modelet e aplikuara, projektet e së ardhmes dhe mënyrën se si mund të aplikohen.

Përfaqësuesit e pushtetit lokal do të kenë mundësi të marrin informacion mbi aksesin në financa dhe mënyrat më të mira të sigurimit të financimit të projekteve novatore që do t’u ofrohen.

Është koha që Shqipëria dhe vendet e Ballkanit Perëndimor të sfidojnë veten, të kapërcejnë sfidat aktuale dhe të orientojnë strategjitë e tyre drejt investimeve të sektorit të teknologjisë si mënyra më e mirë për të zhvilluar ekonomitë dhe përmirësuar nivelin e jetesës së komuniteteve!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0