Qeveria miratoi programin e punësimit për të papunët gjatë COVID-19

Qeveria miratoi programin e punësimit për të papunët gjatë COVID-19

programin e punësimit

Qeveria ka miratuar programin e ripunësimit për personat e  papunë si pasojë e pandemisë COVID-19. Të gjithë personat e mbetur të papunë do të kenë mundësinë që të përfitojnë nga programi dhe të punësohen në sektorin privat.

Nëpërmjet financimit të pagës dhe kontributeve të detyrueshme shoqërore, ky program nxit krijimin e vendeve të punës dhe mbështet kompanitë në procesin e rimëkëmbjes.

Programi konsiston në 3 periudha punësimi. Programi i parë është punësimi 4-mujor, ku shteti merr përsipër të paguajë 2 paga minimale, prej 26 mijë lekësh nëse biznesi privat punëson këta persona, ndërsa kontributet i paguan punëdhënësi.

Lexoni: COVID-19, Italia dërgon një ekip ekspertësh në Shqipëri

 Programi i dytë është punësimi 8-mujor. Në këtë rast shteti merr përsipër të subvencionojë 4 paga mujore prej 26 mijë lekësh, ndërsa kontributet i merr përsëri përsipër biznesi.

Ndërsa nëse lidhet një kontratë 1-vjeçare punësimi shteti merr përsipër të subvencionojë vetëm kostot e sigurimeve të detyrueshme për 12 muaj, por bazuar në pagën minimale në vend.

Institucioni përgjegjës për regjistrimin e punëdhënësve të interesuar, që do të ndjekë procedurat për përfitimet nga këto programe të punësimit do të jetë Agjencia Kombëtare e Punësimit dhe Aftësive. Procedurat e sakta për pjesëmarrjen në këtë program, do të bëhen publike nga AKPA.

KRITERET QË DUHET TË PLOTËSOJË PUNËKËRKUESI:

  1. Punëkërkuesit me të drejtë përfitimi janë të gjithë punëkërkuesit e papunë që kanë dalë të papunë si pasojë e COVID-19, të evidentuar nga Drejtoria e Përgjithshme e Tatimeve dhe të regjistruar në zyrën e punës.
  2. Punëkërkuesi, pjesëmarrës në programet sipas pikës 1, të kreut I, të këtij vendimi, nuk mund të zëvendësohet.
    3. Një punëkërkues mund të marrë pjesë vetëm një herë në këtë program.

KRITERET QË DUHET TË PLOTËSOJË PUNËDHËNËSI:

  1. Punëdhënësit me të drejtë kërkese duhet të plotësojnë kriteret e mëposhtme:
  2. a) Të jenë shoqëri tregtare të regjistruara;
    b) Të jenë subjekt i pagimit të taksave dhe të jenë të regjistruar si punëdhënës pranë autoriteteve tatimore;
    c) Të mos kenë shkelur legjislacionin për punësimin në dy vitet e fundit përpara shpalljes së gjendjes së epidemisë, sipas pikës 1, të kreut I, të këtij vendimi;
    ç) Të ofrojnë punë me kohë të plotë, për një minimum prej 40 (dyzet) orësh në javë, me një pagesë mujore jo më pak se paga minimale, në përputhje me dispozitat e Kodit të Punës;
    d) Vendi i punës, i financuar nga ky program, duhet të vijë si rezultat i rritjes së fuqisë punëtore në aktivitetin e punëdhënësit;
    dh) Të jenë shoqëri tregtare, të cilat nuk kanë detyrime ndaj organeve tatimore para datës 10 mars, në bazë të akteve normative në fuqi ose, në momentin e kërkesës për këtë program, të vërtetojnë se:
  3. kanë lidhur marrëveshjet përkatëse për shlyerjen e këtyre detyrimeve dhe janë të rregullta në shlyerjen e tyre;
    ii. kanë shlyer detyrimet por kanë ende pa paguar gjobat;
    iii. kanë shlyer detyrimet ose kanë vendosur garanci bankare për shumën e plotë të detyrimit, në përputhje me nenin 107, të ligjit nr.9920, datë 19.5.2008, “Për procedurat tatimore në Republikën e Shqipërisë”, të ndryshuar, dhe janë në proces të apelimit administrativ e në procese gjyqësore me organet tatimore.

programin e punesimit

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0