Një rrjet klinikash veterinere në Finlandë do të financojnë projektin për stërvitjen e 16 qenve, të aftë për të identifikuar udhëtarët pozitivë me koronavirus, të cilët mbërrijnë në aeroportin e Helsinki. Kafshët do të nisin të operojnë pas 2-3 javësh për një periudhë prove dhe ‘’nëse projekti do të rezultojë i suksesshëm, atëherë do të rritet numri i qenve që do të stërviten’’, tha për Washington Post, Virpi Perala, përfaqësues i njërës prej klinikave.
Qentë nuhasin djersën dhe kjo i lejon të kuptojnë nëse pasagjeri që udhëton me avion është pozitiv me Covid-19 apo jo. Finlanda nuk është vendi i vetëm që përpiqet të përdorë erën e qenve për të parandaluar përhapjen e virusit, pasi në Dubai kjo gjë po eksperimentohet që nga muaji gusht. Sipas rezultateve të para, qentë kanë zbuluar personat me koronavirus në 94.5% të rasteve.
LEXO: I riu që humbi 7 familjarë nga COVID-19, i pari që teston vaksinën e Oxford
Sipas teorisë prapa këtij testi – për vërtetimin e së cilës, megjithatë, do të jënë të nevojshme studime më të zgjeruara – kur një person sëmuret nga një virus ai ndryshon erën e tij dhe “shoku më i mirë i njeriut” është në gjendje ta perceptojë këtë ndryshim. Edhe në Finlandë, qentë do të nuhasin mostra djerse pa rënë në kontakt të drejtpërdrejtë me udhëtarët.
Përdorimi i qenve ka një avantazh: lejon teste më pak invazive për njerëzit. Pacientët që pranojnë t’i nënshtrohen kontrollit fërkojnë shtupën në qafë për të marrë pikat e djersës në vend që t’i nënshtrohen kontrollit klasik të nazofaringealit. “Qentë janë më të mirë në zbulimin e infeksioneve të Coronavirusit sesa tamponët dhe testet serologjike”, tha Anna Hielm – Bjorkman, një studiuese në Universitetin e Helsinkit, e cila më pas shtoi se kafshët janë në gjendje të gjejnë virusin edhe në individë ende asimptomatikë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
