I riu që humbi 7 familjarë nga COVID-19, i pari që teston vaksinën e Oxford

I riu që humbi 7 familjarë nga COVID-19, i pari që teston vaksinën e Oxford

vaksinën e Oxford

Studiuesit e Universitetit të Oksfordit kanë filluar fazën e fundit të testimit për vaksinën kundër COVID-19 në SHBA – një hap i rëndësishëm në garën për të mposhtur pandeminë e koronavirusit.

Studiuesit e Oksfordit, në partneritet me AstraZeneca, filluan testimin e vullnetarëve të parë në Florida dhe 31 amerikanë morën ose vaksinën ose një placebo gjatë gjithë fundjavës, si pjesë e provës klinike.

“Shikoni shifrat e jetëve që kemi humbur. Unë thjesht nuk dua që kjo të vazhdojë të ndodhë,” tha vullnetari 23-vjeçar Jacob Serrano, gjatë një interviste në CBS News.

Ai është amerikani i parë që testoi vaksinën nga Oxford dhe AstraZeneca. Serrano tashmë ka humbur shtatë anëtarë të familjes nga COVID-19 dhe thotë se ai dëshiron të jetë pjesë e zgjidhjes për të shpëtuar jetë, pa marrë parasysh koston.

Lexoni: “Si do t’i vejë halli pandemisë?” Më mirë të jesh optimist apo pesimist?

Serrano dhe të tjerët morën dozën e vaksinës eksperimentale në Institutin Kërkimor “Headlands Jem” në Lake Worth. Ata do të mbahen në vëzhgim gjatë javëve të ardhshme për të parë se kush krijon imunitet kundër virusit.

Faza e tretë e testimit shikon nëse vaksina është efektive në zvogëlimin ose parandalimin e simptomave COVID-19 në një shkallë të gjerë me mijëra vullnetarë. Më pas Administrata e Ushqimit dhe Barnave do ta konsiderojë miratimin e vaksinës për përdorim publik.

Eksperti i sëmundjeve infektive në vend, Dr. Larry Bush, tha se ishte optimist se vaksina është efektive. “Përgjigja imune është shumë inkurajuese,” u shpreh ai.

Në fazat e parë dhe të dytë të testimeve, Bush tha se vaksina kishte treguar se “jo vetëm që ju merrni antitrupa të fuqishëm neutralizues për të luftuar koronavirusin, por ju merrni një përgjigje nga qelizat T,  për të luftuar qelizat që infektohen. Kjo është vendimtare në trajtimin e infeksioneve “.

Qelizat T janë “një armë tjetër e sistemit imunitar” që mund të ndihmojë në luftën kundër virusit, tha Bush.

Universiteti i Oksfordit ka kryer provat e fazës së tretë në Mbretërinë e Bashkuar, Brazil dhe Afrikën e Jugut. Në fazat e mëparshme, asnjë provë nuk tregonte se vaksina shkaktonte efekte anësore serioze.

AstraZeneca thotë se planifikon të regjistrojë deri në 50,000 pjesëmarrës globalisht dhe po planifikon të fillojë provat e fazës së tretë në Japoni dhe Rusi. Gjigandi farmaceutik pritet të ketë rezultate të provave gjatë vitit 2020.

CBS News

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0