Pse qytetarët e këtij vendi detyrohen të paguajnë me smartphone? » Business Magazine Albania – Media Dixhitale dedikuar Sipërmarrjes
Përditësuar së fundmi: 10/08/2017

Pse qytetarët e këtij vendi detyrohen të paguajnë me smartphone?

Share
nga Anerola Torollari
Gus 10, 2017
Studied at Faculty of Science, Content Editor Biznesi at Business Magazine
lexo me teper >

Të bësh pazar është shndërruar në një sfidë të vërtetë sidomos për shumë libianë që janë duke u përballur me një mungesë të theksuar të likuiditetit dhe për të pasur lehtësime në këtë pjesë, është shfaqur një mënyrë e re pagimi nëpërmjet smartphone-ëve edhe pse jo të gjithë e mbështesin.

Në këtë vend të pasur me naftë, të prekur nga dhuna dhe kaosi që prej rënies së Muamar Gadafi në vitin 2011, rivalitetet politike dhe mes fiseve janë fatale për funksionimin, tashmë të brishta, të institucioneve shtetërore.

Lexoni: 10 KURIOZITETE RRETH PARASË

Në këtë vend, ku çmimet janë trefishuar, madje edhe katërfishuar ose pesëfishuar, numërohen dy banka qendrore. Njëra nën autoritetin e qeverisë së Unionit Kombëtar, e njohur nga komuniteti ndërkombëtar dhe me seli në Tripoli, tjetra nën kontrollin e autoriteteve rivale me qendër në lindje të vendit.

Pjesa më e madhe e popullsisë aktive punon në institucionet publike në Libi. Funksionarët marrin rrogën drejtëpërdrejtë në llogaritë e tyre në bankë, por për shkak të likuiditetit, e kanë të vështirë të tërheqin para.

Njerëzit nuk i besojnë më bankave. Ata kërkojnë të jenë të sigurtë se do të kenë mjaftueshëm para kesh nëse ndodh ndonjë gjë dhe bankat mbyllen ose nëse do jenë të detyruar që të mos dalin nga shtëpia,” thotë një nënpunës i një banke.

Për pasojë, shumë libianë nuk kanë depozituar më para nëpër banka dhe me kalimin e viteve, monedhat kanë dalë nga rrjeti pa u kthyer më, duke krijuar një krizë likuiditeti të paprecedentë.

Libianët aktualisht mbajnë radhën para bankave pa pasur garancinë se do të arrijnë të tërheqin para.

Në një vend ku pagesat me çek janë shumë të rralla bankat kanë filluar të nxjerrin shërbime të reja pagimi, nëpërmjet smartphone-ëve.

Për shembull në Benghazi, qytet në lindje i kontrolluar nga autoritetet rivale me qeverinë.

Banka Tregtare dhe e Zhvillimit (BCD) propozon aplikacionin “Edfali” për klientët e saj ndërsa “Wahda Bank” ka hedhur në treg “MobiCash”, mënyra pagesash nëpërmjet smartphone-ëve.

Nëpërmjet këtyre aplikacioneve, tregtarët dhe konsumatorët shkëmbejnë një kod për të kryer transaksionet dhe mijëra tregtarë në vend përdorin këto mënyra pagesash.

Lexoni: Ja cila është kartmonedha më e falsifikuar në treg

Megjithatë kjo mënyrë e re pagese nuk e ka bindur ende shumicën e libianëve që vazhdojnë të presin para bankave për të tërhequr paratë e tyre, nëse arrijnë.

Ndërkohë që sasi të mëdha dinarësh libianë vazhdojnë të kalojnë dorë më dorë jashtë qarkut bankar, tregtarët dhe individët, një numër jo i vogël libianësh, preferojnë të ruajnë paratë e tyre poshtë dyshekut.

burimi: Syri.net