Pse duhet të shqetësohemi për shkrirjen e pazakontë të akullit?


Mbi 40% e Greenland përjetoi një shkrirje të madhe, duke humbur më shumë se 2 km³ akull në vetëm një ditë.

Ndërkohë që Greenland është ishulli më i madh i mbuluar me akull, është shumë e pazakontë që kjo sasi akulli të shkrijë në mes të qershorit. Sezoni mesatar i shkrirjes ndodh nga qershori në gusht, me prurjen më të madhe në korrik.

Kjo shkrirje mund të konsiderohet e pazakontë, por jo e papreçedentë, sipas Tomas Mote një shkenctar në Universitetin e Gjeorgjisë i cili merret me studimin e klimës së Greenland.

Kjo shkrirje herët në verë mund të jetë një shenjë e keqe, që tregon se 2019 shënoi rekord në humbjen e një sasie të madhe akulli në Greenland.

Bora dhe akulli, të cilat janë të bardha dhe reflektojnë rrezet e diellit në hapësirë, reduktojnë sasinë e nxehtësisë që përthithet dhe ndihmon për të mbajtur shtresat e akullit të ftohta, një proces ky i njohur si “albedo”.

Mote thotë “të gjitha shenjat tregojnë një sezon me shkrirje të shumta” dhe ai nuk është i vetmi shkencëtar që e pohon këtë.

Çfarë po e shkakton këtë shkrirje të papritur?

Një strukturë e vazhdueshme e motit ka ndikuar drejtëpërdrejtë në shkrirje, sipas Mote.

Periudhat e shkrirjes nuk janë të papreçedente; Mote ka dalluar dhe periudha të mëparshme në vitin 2012, 2010 dhe 2007, periudha këto me shkrirje shumë të madhe. Por vetëm sot ai vendosi t’i bëj publike.

Nëse këto shkrirje ekstreme po bëhen “normalja e re”, mund të ketë ndikim të thellë në të gjithë globin, sidomos në rritje e nivelit të deteve.

“Greenland është bërë një kontributor në rritjen e nivelit të deteve në këto dy dekadat e fundit,” tha Mote, “dhe shkrirja e pakësimi i sipërfaqes zë një pjesë të madhe”.

Presioni i lartë tërheq nxehtësinë, nga qendra e Atlantikut në pjesë të tjera të Greenland, e cila sjell temperatura më të larta mbi akullin. Presioni në lartësi gjithashtu parandalon formimin e reshjeve dhe çon në qiej të pastër dhe me diell.

/CNN

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale