Protesta e studentëve, Kryeministrit i përgjigjet një prej profesorëve - Business Magazine Albania

Protesta e studentëve, Kryeministrit i përgjigjet një prej profesorëve


Shkruar nga Drita Rira, Lektore Fakulteti i Gjuheve të Huaja, UT

Po, Zoti Kryeministër, jemi të shqetësuar. Jemi shumë të shqetësuar. Si pedagogë, jemi edhe studentë të përjetshëm. Ju e dini!

Kemi zgjedhur të jetojmë në këtë vend e nuk do të lejojmë vemjet partiake dhe shpifjet të na përzënë.

Kemi punuar me përkushtim në profesionin tonë pa u përlyer aspak në korrupsionet, përbaltjet, akuzat, insinuatat, për të cilat flitet.

Kemi marrë zero lekë për kërkimin shkencor nga shteti shqiptar, Zoti Kryeministër!

Kemi blerë libra me lekët tona për të mos qënë larg kolegëve tanë jashtë e për të qënë të denjë para studentëve e për të përmbushur detyrimet që rrjedhin nga ligji për kërkimin shkencor!

Kemi bërë mësim orar pa orar, me temperatura shumë të ulta e shumë të larta. Jemi paguar thuajse sa një punonjës i zakonshëm i këtij shteti.

Ne bëjmë mësim me turne, Zoti Kryeministër, në klasa të tejmbushura me studentë sepse kështu e kërkon udhëzimi… në kushte aspak komode…. sepse ende nuk ka ardhur dimri.

Jemi përpjekur të lidhemi me botën jashtë e shumica e përpjekjeve kanë dështuar, ca nga rehatllëku, ca nga mosdashja, ca nga injoranca.

Nuk kemi parë një laborator të hajrit, as biblioteka serioze, vetëm kampuse virtuale, show e më tej obskurantizëm…

Se ku kanë shkuar paratë, atë hetojeni ju dhe strukturat tuaja, i dashur Kryeministër!

Lexo: Student, nuk e ke idenë çfarë ke bërë!

Ne kemi qenë aty, jemi aty, duam të jemi aty.

Ne nuk kemi përfituar asnjë qindarkë nga buxheti përveçse për të marrë rrogën mujore dhe atë gjithmonë me vonesë.

Si shpërblim, kemi bërë aq sa kemi mundur në këtë katrahurë që kemi lejuar vetë të parët, që nuk e keni kontrolluar ju e për të cilën protestojnë sot studentët!

Sot jam studente!
Protestoj edhe unë.
Sot dhe nesër.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0