Ndërsa normat e interesit rriten, viti 2023 po bëhet një kohë e mirë për kursimtarët që duan të fitojnë më shumë para nga kursimet e tyre. Bankat Qëndrore nëpër botë po rrisin gjithnjë e më shumë normat e interesit, ku së fundmi ishte Rezerva Federale ajo që rriti me 0,25% normën e saj bazë për të luftuar inflacionin e lartë.
Ndërsa shkalla e papunësisë arriti në nivelin më të ulët të 53 viteve në raportin e fundit të punësimit në SHBA, rritja e normave të interesit pritet të vazhdojë. Rritja e radhës mund të vijë në mars, sipas Greg McBride, kryeanalist financiar në Bankrate.com.
“Përfitimi për kursimtarët nuk është vetëm fakti që normat po rriten,” tha McBride. “Fitorja juaj më e madhe në 2023 do të vijë nga ulja e inflacionit.”
Ndërsa çmimet e larta ulen, kthimi i parave të gatshme pas inflacionit pritet të bëhet shumë më i mirë këtë vit sesa ka qenë për kursimtarët në dy vitet e fundit, tha ai.
Lexo edhe: Si të rrisni fitimet e kompanisë tuaj, ndërsa ekonomia ecën në trend rënës
Normat e kursimeve online arrijnë nivelin më të lartë në 15 vjet
Llogaria e kursimeve online e Primis Bank javën e kaluar u bë e para në krye të 5% në vitet e fundit, me një kthim nw përqindje vjetore prej 5.03%.
Tani është koha për të investuar në obligacione afatgjata
Normat e interesit për certifikatat shumëvjeçare të depozitave janë rritur deri në 4.5%, por ka të ngjarë që nuk do të rriten shumë më tej, sipas McBride.
“Nëse keni kërkuar kohën tuaj duke pritur për të kyçur një nga CD-të më afatgjatë – CD tre-vjeçare, katërvjeçare, pesëvjeçare – tani është koha për ta bërë këtë lëvizje,” tha McBride./ CNBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
