Student, nuk e ke idenë çfarë ke bërë! - Business Magazine Albania

Student, nuk e ke idenë çfarë ke bërë!


Me daljen tënde në rrugë, ti student nuk e ke idenë çfarë ke bërë…

Ke ndezur botën shqiptare online. Fotot e tua dhe të shokëve po shpërndahen në rrjetet sociale.

Por, ke ndezur mbi të gjitha qelizat e paralizuara të shumë njerëzve. Të familjarëve që nxitojnë në mëngjes për punë, e për shkak të shumë faturave, gjobave dhe kamatave që duhet të paguajnë nuk kanë kohë, e orientim për të ngritur zërin.

Ti je sot zëri i kamarierit që punon për të studiuar, zëri i të riut vullnetar që gati gati nuk kuptohet nga shumë prej nesh, por që mes studimeve e punës, nxiton të angazhohet edhe vullnetarisht.

Ti je zëri i djalit, i vajzës nga çdo cep i Shqipërisë, që jeton me hallet e prindërve. Zëri I të riut që nga shkolla në punë, zgjedh të shkojë në këmbë për të mos shpenzuar 40 lekë në autobus. Zëri i vajzave  e djemve, që nëse po i takon për një intervistë, nuk porosisin asgjë në kafene, pasi nuk duan të të rëndojnë e vetë nuk kanë mundësi të paguajnë.

Duke shpresuar se kauza jote nuk ka asnjë prapaskenë politike, të Përgëzoj! Ti, PO! Duhet të jesh aty për shtrenjtimin e një krediti? Kjo është çështja që të prek, që e njeh dhe për të cilën mund të luftosh. Fundja po nuk protestove për gjërat që të prekin direct dhe arrin t’i kuptosh thjeshtë, si mund të protestosh për koncensionet miliona euro për një kilometër rrugë. Duhen argumenta eksperti, e ti nuk je ende financier. Një prej gabimeve tona është se çdokush merret me çdo gjë.

Ti student, që na kthen pas gati tri dekada, na frymëzon të gjithëve. Ata ish-studentë, sot shumë të zhgënyer nga demokracia e dobët. Të rinjtë të tjerë, të rritur e të bërë prindër duke kaluar pjesën më të mirë të jetës në tranzicion. Imagjino të ulesh para një kompjuteri me internet të ngadaltë, të humbasësh kohë para një faqeje web që del se është “In construction”. Ja kështu kaluan gati 30 vjet.

Ti student, që shpresoj shumë që protesta jote të mos “infektohet” nga asnjë qëndrim politik, nuk ka problem nëse nuk e shtrin protestën tënde edhe në çëshjte më të mëdha që e shqetësojnë këtë vend. Mjafton të zgjidhësh hallin tënd të rritjes së tarifës.

Ti sot je Heroi i të riu e të vjetri, që emigroi këto vite për një jetë më të mire jashtë. Je heroi i të riut që po studion jashtë e me zor pret të kthehet në Atdhe të kontribuojë për vendin e tij. Por, mbi të gjitha, je përgjigjia më e mirë për çdonjërin që thotë: “këtij populli i ka vdekur nervi”, “këtu nuk rrihet”, apo “ç’dreqin deshe që u ktheve këtu!”/Businessmag.al

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0