Projekti ‘RCC Youth Lab’ në konferencën përfundimtare mbi punësimin e të rinjve në Ballkanin Perëndimor

“Mundësitë e papërshtatshme të punësimit janë një nga problemet më të mëdha me të cilat përballen të rinjtë.  1 në 3 të rinj janë të papunë,  që përkthehet në më shumë se dyfishi i shkallës së papunësisë së të rinjve në BE, 17%. Sipas Ballkan Barometrit 2022, gjetjet e të cilit do ë bëhen publike pas disa ditësh, 18 nga 100 qytetarë të Ballkanit Perëndimor shqetësohen për ikjen e trurit, ndërsa 5 vjet më parë ky numër ishte 10. Por, në një notë pozitive, 43% e të rinjve konsiderojnë se është më e rëndësishme ajo që i bashkon se sa ajo çka i ndan. Bashkëpunimi rajonal funksionon, sipas tyre.

Çdo veprim e aksion që ndërrmerrni, u jep mundësi vendeve tuaja të jenë një hap më pranë mundësive më të mira të punësimit për të rinjtë,” tha Pranvera Kastrati, Koordinatore e Tregut të Përbashkët në Këshillin e Bashkëpunimit Rajonal (RCC), në hapjen e Konferencës Përfundimtare “Laboratori i Politikave Rinore për Papunësinë e të rinjve”, sot në Budva.

Lexo: Thellohet hetimi ndaj Tesla pas problemeve me Autopilotin 

Veprimtaria, e quajtur “Jepi zë të rinjve, një rajon  i përshtatshëm për JU, organizuar nga Projekti i KBR për të Rinjtë e Ballkanit Perëndimor, mblodhi më shumë se 40 të rinj dhe politikëbërës nga i gjithë rajoni, për të prezantuar aktivitetet e tyre dhe zgjidhjet për çështjet e të Rinjve. Krahas znj. Kastrati, aktivitetin e hapi znj. Ana Tome De Freitas Mariguesa Lorentzen, Menaxhere e Programit në Delegacionin e BE-së në Mal të Zi.

“Ishte pikërisht një vit e gjysmë më parë, më 14 dhjetor 2020, kur ju thamë ‘Mirë se erdhët’ për herë të parë.  Tani jam këtu për t’ju thënë ‘urime’ për aplikimin me sukses të zgjidhjeve të krijuara përmes projektit Youth Lab. Sot mund t’ju falënderoj për idetë, qasjet, raportet, ndryshimet e ligjit dhe shumë më tepër,” shtoi Kastrati.