Projekti “51 shërbimet e ZRPP” fiton çmimin “ICT Shërbimi Publik i Vitit” në Shqipëri


Projekti “51 shërbimet e ZRPP në portalin e-Albania” është kurorëzimi i procesit të gjatë të digjitalizimit për Zyrat e Regjistrimit të Pasurive të paluajtshme. Ermal Beqiri njëri nga pjesëtarët e ekipit të këtij projekti na tregon më shumë në këtë intervistë ekskluzive për Business Magazine. 

BM: Përshëndetje! Përgëzime për çmimin e marrë në ICT Awards. Para se të kalojmë te projekti, na flisni pak për eksperiencën tuaj në ICT Awards.

E: Përshëndetje! Ju falenderoj për ftesën!

Është kënaqësi të shpërblehesh për punën e bërë, sidomos kur kjo punë bëhet me pasion dhe përkushtim.

Pjesëmarrja në ICT Awards ka qenë komplet e rastësishme, por mbetet për t‘u theksuar që ishte një eksperiencë interesante.

Vlerësimi si Shërbimi Publik më i mirë i vitit, duke marrë në konsideratë faktin që “Albanian ICT Awards” ka një ekspozim të lart mediatik, ka shërbyer si promocion shumë i mirë i këtyre shërbimeve. Nëpërmjet këtij evenimenti, qytetarët shqipëtarë kanë pasur një mundësi tjetër informimi për rëndësinë dhe vlerën e shërbimeve online të ZRPP.

BM: Mund të na bëni një përshkrim sesi funksionon ky shërbim? A do iu japë lehtësira shqiptarëve duke mbajtur parasysh procedurat, kostot, vonesat?

E: Portali unik qeveritar e-Albania ofron shërbime publike të aksesueshme online si për qytetarët ashtu edhe për bizneset. Tashmë, falë këtij projekti, edhe 51 shërbimet e ZRPP-së ofrohen për të gjithë qytetarët nëpërmjet portalit e-Albania. Qytetarët nëpërmjet një llogarie në e-albania, mund të aplikojnë nga kudo dhe kurdo për secilin prej shërbimeve të ZRPP-së.

E-Albania, nëpërmjet ndërveprimit të të gjitha bazave të të dhënave shtetërore dhe ndërfaqësimit unik të tyre në një platformë të vetme, ofron shërbime elektronike në kohë reale, pa pasur nevojë që për të dhënat dytësore të kërkuara nga një shërbim, të drejtohesh pranë zyrave të ZRPP-së. Në këtë mënyrë, shmangen burokracitë nëpër zyrat në ZVRPP si dhe kursehet kohë jo vetëm nga ana e palës që kërkon shërbimin (qytetar, biznes, vizitor apo administratë publike) por dhe nga ana e punonjësve të ZRPP  që duhet të japin informacion në lidhje me hapat e procedurave apo dokumentacionit që nevojitet për përfitimin e një shërbimi.

BM: Sa kohë ka që është funksional? Çfarë sfidash keni hasur gjatë implementimit të këtij projekti?

E: Aksesi online i shërbimeve të  ZRPP-së nga qytetarët dhe bizneset, është bërë i mundur që prej vitit 2016. Sistemet informatike normalisht sjellin risi ne procesin e punës së institucionit, duke u përballur me barriera të vogla ligjore, të cilat tashmë janë zgjidhur dhe i kanë hapur rrugën përmirësimit të këtij shërbimi në të mirë të qytetarëve.

BM: A mund të na përmendni disa prej shërbimeve që ofron projekti “51 shërbimet e ZRPP”?

E: Tashmë në portalin e-albania ofrohen 51 shërbimet e ZRPP, ndër të cilat më të kërkuarat janë:

  • Regjistrimi i kontratave të shitjes.
  • Regjistrimi i kontratës së dhurimit.
  • Regjistrimi i kontratës së qirasë apo nënqirasë.
  • Regjistrimi i aktit të trashëgimisë.
  • Konsultimi i kartelës së pasurisë së paluajtshme
  • Verifikim online i gjendjes juridike të pronësisë
  • Lëshim kopje të të hartës kadastrale.
  • Lëshim kopje kartele të pasurisë.
  • Lëshim vërtetimesh ( negativ/pozitiv ).
  • Lëshim çertifikate pronësie.

BM: Kush është ekipi që po merret me këtë projekt?

E: Për mbarëvajtjen e këtij projekti, është angazhuar Drejtoria e Administrimit të Informacionit të Zyrës Qendrore të Regjistrimit të Pasurive të Paluajtshme.

Aktualisht, ZRPP ka vënë në dispozicion të qytetarëve chat-in online, nga ku të gjithë të interesuarit mund të informohen për mënyrën e funksionimit të këtyre shërbimeve.

BM: A keni patur mbështetje nga partnerë të tjerë për këtë projekt?

E: Në këtë pikë, vlen të përmendet roli i Agjencisë Kombëtare të Shoqërisë së Informacionit, nga të cilët ZRPP ka pasur suport të vazhdueshëm gjatë implementimit të këtyre shërbimeve.

BM: Projekti është tërësisht i përfunduar apo do të pritet të sjellë ndryshime dhe risi të here pas hershme?

E: Zhvillimi i radhës është gjenerimi i dokumentave më vulë dixhitale, i cili pritet të ketë impakt pozitiv te qytetarët. Kjo do të shpëtojë përfundimisht qytetarët nga pritjet e gjata dhe nga kontakti i drejtpërdrejtë me Zyrat e Regjistrimit të Pasurivë të Paluajtshme, pasi në këtë fazë qytetari do të mund ta aksesojë në kohë reale dokumentin e vulosur nga portali e-Albania.

BM: Faleminderit për intervistën! Suksese të mëtejshme.

ICT Public Service of the year in Albania – Nominees – 5th Edi…

ICT Public Service of the year in Albania – Nominees – 5th Edition Zyra e Regjistrimit te Pasurive te Paluajtshme – 51 shërbimet e ZRPPAgjencia e Zhvillimit te Territorit – Sistemi Elektronik i Lejeve (e-Lejet)Bashkia Vajgurore – Sistem i integruar Informatik për shërbimet Bashkiakehttps://youtu.be/c5c4KSb1l6c

Publiée par ICT Awards sur Mardi 2 mai 2017

 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale