Gjykata Kushtetuese ka përfunduar shqyrtimin e padive, për shfuqizimin e ligjit “Për tatimin mbi të ardhurat”. Gjatë seancës së 25 qershorit, u paraqitën konkluzionet nga palët, të clat kishin afat deri me 21 Qershor të depozitonin prova shtesë. Gjatë seancës së sotme, krahas administrimit të provave të depozituara u vijua me dëgjimin e konkluzioneve të palëve.
Në fund të seancës, Kryetarja e Gjykatës Kushtetuese Holta Zaçaj deklaroi përfundimin e shqyrtimit gjyqësor të çështjes. Ajo tha se data dhe ora e shpalljes së vendimit do të komunikohet sipas parashikimeve ligjore.
Kjo nënkupton që profesionet e lira do të duhet të presin rreth 30 ditë për t’u njohur me vendim përfundimtar.
Ndërkoë, kujtomë se javës së kaluar, në seancën e mëparshme, me shumicë votash Gjykata Kushtetuese vendosi të rrëzojë kërkesën për pezullim, me argumentin se çështja do të trajtohet me përparësi. Kjo nënkupton se ligji do të vijojë të zbatohet deri në shpalljen e vendimit të gjykatës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
