Produktet e 12 kompanive kosovare në International Green Week në Berlin

Produktet e 12 kompanive kosovare në International Green Week në Berlin


Nga e enjta 12 kompani prodhuese e përpunuese nga Kosova, do të prezantojnë dhe shesin produktet e veta në Panairin me të madh të bujqësisë në botë, International Green Week që mbahet nga e enjtja në Berlin. Kosova po merr pjesë në këtë panair në mesin e shumë shteteve të botës. Këto 12 kompani janë dërguar atje nga Ministria e Bujqësisë, Pylltarisë dhe Zhvillimit Rural (MBPZHR).

Malli nga Kosova bëhet e ditur se tashmë ka mbërritur në Gjermani dhe se pavijoni i Kosovës prej 100 metrave katrorë është në rregullim.

Ministri Memli Krasniqi është shprehur shumë i lumtur që çdo ditë e më shumë prodhimet nga vendi po kanë mundësi të reja të qasjes në tregun evropian.
“Prezantimi në këtë panair vjen në kohën kur hyn në fuqi MSA dhe kompanitë tona mund të shfrytëzojnë këtë ngjarje të madhe që të kontaktojnë me afarsitë nga mbarë bota, për të parë mundësitë e bashkëpunimit në veçanti për eksport. Ne kemi dërguar atje prodhime shumë të mira dhe unike që padyshim do të lënë shije të mirë për të gjithë vizitorët dhe pjesëmarrësit”, tha ministri Krasniqi.

Këto kompani do të prezantohen në panair:
1- Agroproduct sh.p.k
2- Hit Flores
3- Besiana
4- Frutomania
5- StoneCastle
6- Pestova
7- Abi Progres
8- Koperativa Krusha
9- Amo
10- Fungo F
11- Sole Kosova
12- Bodrumi i Vjetër

Ministri Memli Krasniqi thotë se ministria po bën përpjekje që edhe në forma të tjera të prezantojë prodhimet e vendit nëpër botë, të cilat po zgjerohen dhe po rrisin cilësinë. Ministri po ashtu theksoi se do të rritet mbështetja e MBPZHR-së për fermat dhe bizneset e përpunimit përmes granteve në mënyrë që ato të rrisin prodhimin, cilësinë dhe të hapin vende të reja pune.

Përveç MBPZHR-së, shkuarjen e prodhimeve nga Kosova në këtë panair e kanë mbështetur edhe GIZ, KIESA, Ministria e Punëve të Jashtme dhe USAID.

/Telegrafi/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0