Në një intervistë në radio me korrespondentin e Fox News, Geraldo Rivera, presidenti Donald Trump ka shtuar shpresat që një vaksinë për koronavirusin mund të jetë gati para muajit dhjetor.
Kur u pyet nga Rivera kur do të ishte e gatshme vaksina, Trump u përgjigj se “mund të ishte shumë më shpejt” sesa fundi i vitit. Kur Rivera e pyeti nëse kjo do të thoshte “më shpejt se 3 Nëntori – Dita e Zgjedhjeve” – Trump e pohoi duke thënë se diçka e tillë mund të ndodhte rreth asaj kohe.
Lexoni: Trump: Kompanitë amerikane duhet t’u japin fund lidhjeve me TikTok dhe WeChat
Gjithashtu, Trump u tha gazetarëve se ai ishte “optimist” se një vaksinë do të ishte gati rreth 3 nëntorit dhe shtoi se nuk po e bëntë këtë për të rritur shanset e tij për rizgjedhje, por “për të shpëtuar shumë jetë njerëzish . ”
Një vaksinë e zhvilluar nga ndërmarrja e bioteknologjisë Moderna dhe Instituti Kombëtar i Alergjisë dhe Sëmundjeve Infektive (NIAID) është në fazën e fundit të provës së saj klinike. Rezultatet fillestare nga faza 1 e asaj vaksine ishin premtuese, duke treguar përgjigje imune dhe, për më shumë se gjysmën e pacientëve u vunë re efekte anësore normale si lodhja dhe dhimbja e kokës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
