Pezullohet sezoni i NBA


 

Pandemia e koronavirusit po ndikon edhe në kalendarin e aktiviteteve sportive në Shtetet e Bashkuara. Liga Kombëtare e Basketbollit vendosi të mërkurën, që të pezullojë të gjithë sezonin, deri në  një njoftim të ri.

Lexo: Ndalohet lëvizja e automjeteve private, ministrja firmos urdhrin

Vendimi erdhi pasi lojtari i ekipit Utah Jazz u testua pozitiv për koronavirusin. COVID-19 çoi edhe në anulimin e kampionatit botëror të rrëshiqtjes mbi akull, si dhe detyroi autoritetet të vendosin që turi i basketbollit në nivel kolegjesh të zhvillohet pa tifozë.

Pas lajmit se një lojtar i ekipit Utah Jazz doli pozitiv në testimin për koronavirus, liga e njohur e basketbollit NBA pezulloi të gjitha ndeshjet e këtij sezoni. Vendimi u morë pak para se të niste përballja midis Utah Jazz dhe Oklahoma City-t.

Trajneri i klubit Denver Nuggets, Mike Malone, e mësoi lajmin pas humbjes që pësoi ekipi i tij ndaj Dallas Mavericks në Teksas me rezultat 113-97. “E respektojmë vendimin e ligës që vendosi në të mirën e lojtarëve, tifozëve, trajnerëve dhe stafit”, tha ai.

Lexo: Macron: Franca do të mbyllë të gjitha shkollat dhe universitetet, për shkak të Koronavirusit

Zyrtarët e NBA thonë se gjatë ndërprerjes do të përcaktohen hapat e mëtejshëm të mbrojtjes nga koronavirusi. Koronavirusi çoi gjithashtu në anulimin e kampionatit botëror të patinazhit ndërsa turi i basketbollit në nivel kolegjesh u vendos të luhet pa tifozë.

Burimi: Top Channel

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale