Përmirësohet liria ekonomike në Shqipëri, sipas raportit të "Heritage" - Business Magazine Albania

Përmirësohet liria ekonomike në Shqipëri, sipas raportit të “Heritage”

liria ekonomike

Treguesi i lirisë ekonomike e rendit Shqipërinë në vendin e 50-të. Raporti i publikuar nga Fondacioni Heritage, e ka rritur Shqipërinë 1.4 pikë krahasuar me vlerësimin e mëparshëm, pas përkeqësimit që kishte shënuar në raportin e vitit 2021.

Shqipëria, vlerësohet me 66.6 pikë, duke u futur në grupin e ekonomive me liri të moderuar. Kjo vjen pas kategorive me ekonomi tërësisht të lirë (80-100 pikë) dhe kryesisht të lirë (70-79.9 pikë). Në ekonomitë tërësisht të lira gjenden Singapori, Zvicra, Irlanda, Zelanda e Re.

Krahasuar me vendet e rajonit, vendi ynë ka lirinë ekonomike më të madhe. Maqedonia e Veriut mori 53 pikë, Serbia 59 pikë, Bosnje Hercegovina, 68 pikë. Më keq renditen Kosova (86) dhe Mali i Zi (103).

Treguesi i lirisë ekonomike ka katër kategori kryesore:

Zbatimin e rregullave (Të drejtat e pronës; Efektiviteti Gjyqësor; Integriteti i qeverisë)

Madhësia e qeverisë (Barra tatimore; Shpenzimet qeveritare; Shëndeti Fiskal)

Eficienca e institucioneve rregullatore (Liria e Biznesit; Liria e Punës; Liria Monetare)

Tregjet e hapura (Liria e Tregtisë; Liria e Investimeve; Liria Financiare).

Vlerësimet më të larta (pozitive) janë për barrën e taksave (89.1 pikë), lirinë e tregtisë (82.6) dhe lirinë monetare (82). Vlerësimi më i ulët është për integritetin e qeverisë (35.6 pikë) dhe efektivitetin e gjyqësorit (49.8).

Lexo: Raporti i Emerging Europe në IT: Shqipëria dhe Kosova me potencial të lartë zhvillimi

Në 5 vitet e fundit, vlerësimi tregon se, ekonomia e Shqipërisë u rrit nga 2017 në 2018 dhe u ngadalësua në 2019. Gjatë 2020 pati zhvillim negative, ndërsa u rimëkëmb në 2021. Shqipëria ka regjistruar një rritje të përgjithshme prej 2.2 pikësh të lirisë ekonomike që nga viti 2017, e udhëhequr nga rritja e rezultateve në të drejtat e pronësisë dhe efektiviteti gjyqësor, por megjithatë mbetet në rangun e mesëm të vendeve “Mesatarisht të Lira”. Madhësia e qeverisë dhe treguesit e tregjeve të hapura janë pozitive, por sundimi i ligjit mbetet problematik.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0