Përkeqësohet klima e të bërit biznes në Shqipëri - Business Magazine Albania

Përkeqësohet klima e të bërit biznes në Shqipëri


Shqipëria ka përkeqësuar pozitat e saj në Botë për kushtet e të bërit biznes. Raporti i Bankës Botërore, “Doing Business 2020” vë në dukje se vendi ynë ka rënë 19 vende në renditje krahasuar me një vit më parë. Ajo renditet në vendin e 82-të. Mes vendeve europiane, ajo mbetet ndër të fundit përkrah Bosnje-Hercegovinës dhe Maltës.

Përkeqësimin më të madh, mes 10 treguesve që merren në shqyrtim, Shqipëria e ka shënuar në fushën e mbrojtjes së investimeve. Kjo e rendit në vendin e 111-të, nga i 26-i që ishim një vit më parë.

Përkeqësimi i fortë i këtij treguesi dhe ulja e vlerësimit në tërësi, ka bërë që ministrja e Financave të dalë në një deklaratë për shtyp. Anila Denaj tha gjatë konferencës, se “ndryshimet e metodologjisë kanë ndikuar në renditjen e indikatorit “Mbrojtja e Aksionerëve Minoritare”, duke e pozicionuar Shqipërinë në vendin e 111 në renditje, pavarësisht mungesës së ndonjë regresi”. Denaj ka theksuar se kjo vjen nga fakti që Shqipëria nuk ka mbi 10 kompani të listuara në tregun e letrave me vlerë dhe merr 0 pikë, pavarësisht se ka një bursë operacionale në treg”.

Edhe “mbrojtja e kontratave” (një element i rëndësishëm për vendimet e investitorëve të huaj) ka shënuar përkeqësime, duke e ulur vlerësimin me 22 vende.

Mes 10 treguesve të matur, 9 prej tyre e shohin në përkeqësim mundësinë e të bërit biznes në Shqipëri.

Vetëm furnizimi me energji elektrike vlerësohet pozitivisht.

Lexo Raportin për Shqipërinë

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0