Përgjigjet më të zakonshme në lidhje me pyetjet që bëhen rreth Bitcoin - Business Magazine Albania

Përgjigjet më të zakonshme në lidhje me pyetjet që bëhen rreth Bitcoin


Bitcoin ka që në vitin 2009 që është vërdallë. Ka qenë pothuajse non-stop në çdo portal që nga rritja e saj e papritur në fund të vitit 2017. E megjithatë, për njerëzit që nuk janë të përfshirë në botën e kriptomonedhave çdo ditë, ajo ende mund të jetë një mister. Këtu janë pesë pyetje në lidhje me Bitcoin që keni kërkuar gjithmonë të dini, por druheni të pyesni:

A mund ta shpenzoni Bitcoin?

Vetëm në teori. Në praktikë jo dhe aq për momentin. Sigurisht Bitcoin supozohet të jetë një monedhë. Ajo është projektuar për të vepruar si një lloj dollari online që bën blerjen e mallrave dhe shërbimeve online më lirë, më shpejt kudo në botë, por ajo akoma nuk ka funksionuar në këtë mënyrë.

Lexoni: Singapori lançon kartëmonedhën e parë të Bitcoin

Problemi është se kur vlera e Bitcoin rritet apo bie, është shumë e pabesueshme për shitësit që të pranojnë dhe për blerësit që të ofrojnë. Pikat si Steam që ishin mes të të parëve që pranuan Bitcoin, tashmë janë larguar, pasi përmendin shpenzimet në rritje të transferimit, konfirmimet e ngadalta dhe ndryshimin e çmimeve. Nëse Bitcoin stabilizohet, pritet që shitësit të fillojnë të kthehen.

Ku ta mbaj atë?

Bitcoin nuk ka kartmonedha apo monedha fizike. Ju nuk mund t’i mbani ato në xhepin tuaj apo të shikoni një grumbull Bitcoin në një valutë bankë. Ajo që ju mund të shihni janë numrat e lidhur në një libër llogarish. Ajo që mbani është një rekord i atij rreshti, shumën dhe fjalëkalimin që mund të hyni për t’i transferuar ato Bitcoins tek dikush tjetër. Ju e mbani atë informacion në një “portofol”. Ky “portofol” mund të jetë një copë letre, një aplikacion ose edhe një pajisje e vogël që nuk mund të hakohet.

Çfarë ndikon në çmimin e Bitcoin?

Çmimi i një monedhe ndikohet nga kërkesa për atë monedhë, e cila në vetvete është një faktor i flukseve tregtare dhe normave të interesit të vendosura nga një bankë qendrore. Bitcoin nuk ka asnjë nga këto gjëra. Vendet dhe korporatat nuk po blejnë Bitcoins për të shlyer borxhet ose për të blerë mallra dhe nuk ka autoritet qendror që përcakton normat e interesit ose ndryshon vlerën e monedhës në qarkullim. Në vend të kësaj, çmimi i Bitcoin përcaktohet nga mendimi e tregut, nga lajmet (nga rregulloret dhe hyrja e investitorëve të rinj të mëdhenj) dhe nga ndryshimet teknike. Është një mjedis i ri me ndikime të reja – e cila është pjesë e asaj që e bën të gjithën kaq emocionuese.

Çfarë është Blockchain?

Blockchain është regjistri dixhital i përdorur për të ruajtur vendodhjen e secilit Bitcoin. Çdokush mund të shkarkojë një kopje të atij libri kryesor, i cili përditësohet automatikisht pasi të shtohen transaksionet e reja. Për shkak se kopjet e librit janë shpërndarë nëpër mijëra kompjutera, është e pamundur që çdo person ose grup të ndryshojë të dhënat ose të shpenzojë të njëjtin Bitcoin dy herë. Monedhat dixhitale janë përdorimi më i njohur i teknologjisë, por kompanitë po investojnë miliona në përpjekje për të gjetur përdorime të tjera për të.

Lexoni: Nga ndryshojnë Bitcoin dhe Blockchain?

A do të zgjasë Bitcoin?

Askush nuk e di me siguri, por nuk ka gjasa që të zhduket. Rënia e fundit e çmimeve mund të jetë në të vërtetë një gjë e mirë për të ardhmen e Bitcoinit, e cila duhet të stabilizohet para se të mund të përdoret përsëri si valutë. Gjithashtu, ajo duhet të zgjidhë problemin e saj të shkallëzimit, të rrisë shpejtësinë e transaksioneve dhe të ulë kostot e tyre. Por edhe nëse Bitcoin do të zhduket nga popullariteti, qindra monedha të tjera dixhitale janë lançuar dhe njëri prej tyre ka gjasa ta zëvendësojë atë. Parashikimi i së ardhmes nuk është kurrë i lehtë, por kripto-monedhat dhe blockchain ka të ngjarë të jenë pjesë e saj.

burimi: inc.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0