Ekspertët e teknologjisë kanë paralajmëruar përdoruesit e celularëve me sistem operativ Android, që të fshijnë disa aplikacione, të cilat janë potencialisht të rrezikshme.
Sipas tyre, këto aplikacione që pretendohet se shërbejnë si antivirus, gjenden lehtësisht në Play Store dhe janë shkarkuar në miliona celularë. Ekspertët thonë se këto aplikacione më shumë mund të dëmtojnë pajisjen tuaj se sa ta mbrojnë.
“Këto aplikacione janë shumë të njohura dhe potencialisht të rrezikshme për arsye se u kërkojnë përdoruesve shumë akses, që realisht nuk u duhet”, shpjegon Jan Youngren, hulumtues i sigurisë.
Lexoni gjithashtu:
Edhe pse disa prej këtyre aplikacioneve janë penalizuar në të kaluarën për shkak të keqpërdorimit të të dhënave të përdoruesve, ato vazhdojnë të jenë në Play Store dhe janë instaluar në më shumë se 2 miliardë pajisje.
Ekspertët këshillojnë përdoruesit që të jenë më të kujdesshëm me aplikacionet që shkarkojnë në smartphone dhe të mos u japin shumë akses.
Më poshtë janë aplikacionet antivirus potencialisht të dëmshme për përdoruesit e Android:
- Security Master
- Virus Cleaner
- Antivirus Free 2019
- 360 Security
- Virus Cleaner 2019
- Super Phone Cleaner
- 360 Security Lite
- Super Cleaner
- Clean Master
- Super Security
- Antivirus Free
Lexoni gjithashtu:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English