Këto nuk janë kohëra të lehta, për të mbajtur qetësinë dhe për të vazhduar më tej, veçanërisht nëse jeni duke “vrapuar” pas dezifektuesve të duarve ose duke shikuar tregun e aksioneve. E megjithatë, të qenit i qetë dhe të vazhdosh përpara është shumë e rëndësishme në këto kohë.
Lexo: AlbGroup pezullon pjesërisht aktivitetin. Puna nis të pezullohet edhe në shërbime
Ky është një planifikim i arsyeshëm. Nëse një studim i kohëve të fundit është ndonjë tregues, shumë pronarë të biznesit të vogël, tashmë janë duke i bërë të dyja. Javën e kaluar, firma e shërbimeve të pagave Paychex publikoi një studim të 300 pronarëve të biznesit të vogël, e cila vlerësoi se si ndiheshin ata, për ndërprerjen e punës për shkak të koronavirusit. Këtu janë disa nga pikat më të spikatura të të dhënave të raportit:
59% e të anketuarve thanë se kanë një plan, për të vazhduar biznesin dhe për të mos ndërprerë operacionet.
54% thanë se mund të punonin në distancë ose të punonin nga shtëpia nëse do kishin një karantinë.
60% thanë se ata kanë hartuar një plan komunikimi me punonjësit, për të komunikuar në mënyrë efektive ndryshimet në punë si pasojë e koronavirusit.
75% thanë se kanë mjaftueshëm para ose kredi për të mbijetuar, nëse biznesi i tyre do mbyllet ose do jetë në një pauzë.
Nëse jeni të interesuar të përgatiteni për të punuar në distancë, merrni parasysh disa këshilla:
- Krijimi i një strukture operative emergjente dhe komunikimi me punonjësit dhe klientët tuaj, që mund t’ju duhet të vazhdoni proçeset e zakonshme të vendimmarrjes, në mënyrë më efikase.
- Transferimi i të dhënave të kompanisë suaj në cloud, në mënyrë që punonjësit tuaj të mund të punojnë nga shtëpia, dhe duke ndërmarrë hapat e duhur për ta siguruar atë.
- Duke lënë mënjanë fonde të mjaftueshme, për të mbuluar shpenzimet për disa javë minimum.
- Përgatitni planet tuaja një ditë përpara, para se të jetë vonë.
Këto hapa janë të rëndësishme për t’u ndërmarrë tani, ju duhet të keni strategji të forta për t’u përgatitur nga çdo sulm kibernetik deri tek Koronavirus.
Përfundoni përgatitjet tuaja afatshkurtra. Pastaj merrini parasysh për një afat më të gjatë. Shumë ekonomistë parashikojnë se ekonomia do të qetësohet, megjithëse deri tani është ende e paqartë. Pra, përqëndrohuni në atë që mund të kontrolloni dhe mbani një nivel stabël.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
