Siç mund ta shihni Virgin Mobile Australia ka lidhur partneritet me Smiling Mind dhe aplikacionin e tyre mobile në mënyrë që të inkurajojnë vëmendjen në shkollat australiane. Është një iniciativë e mrekullueshme dhe përgëzoj CEO-n e Virgin Mobile Australia, James Gully, për udhëheqjen e tij me shembull dhe vizitat që bën nëpër klasa për të promovuar mirëqenien mendore.
Në Virgin, ne besojmë se kemi një përgjegjësi për të ndryshuar biznesin për mirë. Virgin Mobile është pikërisht në biznesin e lidhjes së njerëzve nëpërmjet fuqisë së telefonit celular; megjithatë, jemi plotësisht të vetëdijshëm se lidhja e vazhdueshme mund të çojë në mbingarkesë dixhitale dhe shkëputje nga bota rreth nesh.
/Artikulli u publikua më parë në faqen 71 të numrit 15 të revistës Business Magazine Albania. Ju mund të Shfletoni Këtu nr. 15 të saj.
Së bashku, Virgin Mobile Australia dhe Mind Smiling po kërkojnë ta luftojnë këtë duke i pajisur njerëzit me mjetet që ata kanë nevojë për të ndërthurur vëmendjen dhe meditimin në ditët e tyre mësimore. Imagjinoni se çfarë mund të arrijnë këta të rinj si udhëheqës të ardhshëm nëse janë të pajisur me mjetet që duhet të kujdesen për mendjet e tyre dhe të zhvillojnë aftësi të rëndësishme siç janë elasticiteti, ndjeshmëria dhe dhembshuria.
Deri më sot, aplikacioni Smiling Mind ka qenë i lidhur me mbi 25,000 edukatorë. Ne jemi krenarë që të investojmë tek të rinjtë dhe në fund të fundit të ndihmojmë në mbështetjen e gjeneratave të njerëzve të shëndetshëm.
Nga ajo që dëgjoj, njerëzit tanë në zyrën qendrore të Virgin Mobile Australia dhe në faqet tona të shitjes me pakicë në mbarë vendin, duan të marrin pjesë edhe në praktikat e organizuara. Në Virgin, i kushtojmë vëmendje dhe rëndësi të madhe mirëqenies së punonjësve. Janë njerëzit tanë që na sjellin suksesin, kështu që përpiqemi të mbajmë një kulturë të shëndetshme dhe të lumtur dhe të krijojmë mjedise në të cilat të gjithë mund të lulëzojnë.
Unë inkurajoj çdo fëmijë në shkollë, të rritur, prind, ose udhëheqës për të mbyllur email-et dhe mediat sociale herë pas here dhe për t’i dhënë Smiling Mind një mundësi.
/Artikulli u publikua më parë në faqen 71 të numrit 15 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 15 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
