Lionel Messi është bërë miliarderi i dytë i futbollit, pas Cristiano Ronaldo. Sipas revistës Forbes, Messi ka fituar 1 miliard dollarë gjatë karrierës së tij.
Lionel Messi dhe Cristiano Ronaldo kryesojnë edhe një herë renditjen e këtij viti në Forbes të futbollistëve më të paguar. Këtë vit Messi zë vendin e parë duke u paguar me 126 milionë dollarë, duke lënë Ronaldon në vend të dytë me 117 milionë dollarë.
Këtë vit, Messi pati diskutime për t’u larguar nga Barcelona, por në fund vendosi të qëndronte dhe do të marrë 92 milionë dollarë për ta bërë këtë. Aq i duheshin, që fitimet e tij të arrinin në 1 miliard.
Fitimet e Messit janë përmirësuar ndjeshëm dhe nga marrëveshjet e sponsorizimit që ka me marka të famshme si Adidas, Pepsi dhe Budweiser.
Barcelonës iu deshën 105 vjet për të fituar 64 trofe para se Messi të bashkohej në vitin 2005. Në 15 vitet e fundit, ai e ka udhëhequr ekipin drejt 34 fitoreve të trofeve, një performancë që e ka vendosur emrin e tij në mesin e më të mëdhenjve të sportit – dhe i dha atij 1 miliard dollarë gjatë karrierës.
Para Messit, vetëm tre sportistë kanë arritur që gjatë karrierës aktive të fitojnë nga një miliard e më shumë dollarë. Dhe vetëm njëri nga këto ishte fubollist.
I pari ishte golfisti Tiger Woods, që këtë e arriti më 2009-n, pas firmosjes së kontratës me “Nike”.
Më pas iu bashkua boksieri Floyd Mayweather më 2017-n. Ai të ardhurat më të mëdha i siguroi nga të drejtat e transmetimit të ndeshjeve të tij.
Ndërsa vitin e kaluar një miliard dollarë fitim në karrierë i arriti edhe Cristiano Ronaldo, i pari futbollist që e arrin këtë. Ai 650 milionë dollarë i fitoi nga marrëveshjet me klubet, kurse të tjerat nga sponsorizimi.
Futbollistët më të paguar të 2020-ës:
- Lionel Messi (Barcelona) 126 milionë dollarë
- Cristiano Ronaldo (Juventus) – 117 milionë dollarë
- Neymar (Paris Saint-Germain) – 96 milionë dollarë
- Kylian Mbappe (Paris Saint-Germain) – 42 milionë dollarë
- Mohamed Salah (Liverpool) – 37 milionë dollarë
- Paul Pogba (Manchester United) – 34 milionë dollarë
- Antoine Griezmann (Barcelona) – 33 milionë dollarë
- Gareth Bale (Real Madrid) – 29 milionë dollarë
- Robert Lewandowski (Bayern Munich) – 28 milionë dollarë
- David de Gea (Manchester United) – 27 milionë dollarë
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
