Aenne Burda është një grua e suksesshme e shekullit të kaluar me markën e saj 73 vjeçare.
Aenne Burda lindi në Offenburg, ne vitin 1909 në Perandorinë Gjermane të dikurshme. Ajo zgjodhi të përpunojë emrin e saj sipas këngës popullore “Ännchen von Tharau”.
Ajo ishte vajza e një zjarrfikësi të lokomotivave me avull në hekurudha. Aenne la shkollën e mesme në manastir në moshën 17-vjeçare dhe u bë arkëtare në kompaninë e energjisë elektrike në Offenburg. Në vitin 1930 ajo u takua me botuesin Franz Burda, djalin e Franz Burda, themeluesit të shtypshkronjës Burda. Çifti u martua një vit më vonë, më 9 korrik 1931. Ata paten tre djem, Franz (1932–2017), Frieder (1936–2019) dhe Hubert (1940).
Burda themeloi dy fondacione bamirësie, duke mbështetur akademikë të rinj dhe të moshuar në qytetin e saj të lindjes, Offenburg.
Aenne Burda vdiq në vendlindjen e saj në Offenburg, Gjermani, në moshën 96-vjeçare, nga shkaqe natyrore. Një film për jetën e saj, “Aenne Burda The Economic Wonderwoman” u publikua në vitin 2018.
Revista Burda
Aenne dhe bashkëshorti i saj ndihmuan në zgjerimin e biznesit familjar në revistat e grave. Në vitin 1949 Aenne Burda themeloi një kompani printimi dhe botimi të revistave të modës në qytetin e saj të lindjes Offenburg. Në të njëjtin vit ajo filloi të botojë revistën Favorit, e cila më vonë u riemërua në Burda Moden. Numri i parë i revistës Burda Moden u botua në vitin 1950 me një tirazh prej 100,000 kopjesh. Ajo u bë e njohur në treg pas vitit 1952, kur filloi të përfshinte fletë letre me modele dhe stampa për qepjen e rrobave. Në vitin 1987 Burda Moden u bë revista e parë perëndimore e botuar në Bashkimin Sovjetik. Burda Fashion botohet aktualisht në 90 vende në 16 gjuhë të ndryshme.
Në vitin 1977 ajo publikoi revistën Burda CARINA, një revistë e modës dhe stilit të jetesës që synon një audiencë më të re femërore.
Dy citate te Aenne Burdes.
• “Qëllimi im është të bashkoj modele praktike me një çmim të përballueshëmm, që mund të vishen nga numri më i madh i mundshëm i grave.
• “Kam mësuar të plakem me një zemër të re, duke ruajtur kështu kënaqësinë time të jetës, te gëzoj jetën time, my joie de vivre”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
