Papunësia në Shqipëri, më e ulëta e kohës së demokracisë

Papunësia në Shqipëri, më e ulëta e kohës së demokracisë


Papunësia në Shqipëri vijon të ulet. Të dhënat e fundit të Institutit të Statistikave tregojnë se papunësia ka zbritur në 12.5% në fund të tremujorit të parë 2018. Ky është niveli më i ulët i shënuar  në kohën e ekonomisë së tregut, ndërsa rënia është theksuar dy vitet e fundit.

Ulja e papunësisë erdhi si përmirësim i tregut të punës tek meshkujt, ndërsa për femrat papunësia mbetet në të njëjtin nivel.

Ju mund të lexoni edhe: Ahmetaj optimist për ekonominë: Ra papunësia. Ndërtimi po financohet nga bankat

Por, cilët janë sektorët ku është shtuar punësimi. Instat thotë se industria dhe shërbimi krijuan më shumë mundësi punësi tre muajt e parë të këtij viti, krahasuar me më parë.
Sektori i shërbimeve në fakt, pitet të krijojë më shumë vende pune edhe gjatë stinës së verës.

Piku i turizmit  pritet të rrisë më tej punësimin, qoftë edhe sezonal në fushën e shërbimeve.

Shkalla e punësimit për moshën aktive për punë (15-64 vjeç) është 59,2 %.  Krahasuar me një vit më parë, shkalla e punësimit u rrit gati 5%.

Për gratë, shkalla e pjesëmarrjes në forcat e punës është 59,5 %, ndërsa për burrat ky tregues është 76,6 %.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0